Karavali
ಮಂಗಳೂರು: ವಿಚ್ಛೇದನ ಘೋಷಿಸಿದ ಟಾಲಿವುಡ್‌ ಸ್ಟಾರ್‌ ದಂಪತಿಗಳಾದ ನೋಯೆಲ್ ಸೀನ್ ಹಾಗೂ ಎಸ್ತೆರ್‌ ನೊರೊನ್ಹಾ
- Wed, Sep 02 2020 10:53:54 AM
-
ಮಂಗಳೂರು, ಸೆ 02 (DaijiworldNews/PY): ಟಾಲಿವುಡ್‌ ಸ್ಟಾರ್‌ ದಂಪತಿಗಳಾದ ನೋಯೆಲ್ ಸೀನ್ ಹಾಗೂ ಎಸ್ತೆರ್‌ ನೊರೊನ್ಹಾ ಅವರು ಮಂಗಳವಾರ ವಿಚ್ಛೇದನ ಘೋಷಿಸಿದ್ದಾರೆ.
ಕಳೆದ ವರ್ಷವೇ ನಾವು ಪ್ರತ್ಯೇಕವಾಗಿದ್ದೇವೆ. ಬಳಿಕ ಪರಸ್ಪರ ಒಪ್ಪಿಗೆಯ ಮೇರೆಗೆ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದೇವೆ. ಸೋಮವಾರ ವಿಚ್ಛೇದನ ಪಡೆದುಕೊಂಡಿದ್ದು, ನ್ಯಾಯಾಲಯದ ತೀರ್ಮಾನಕ್ಕಾಗಿ ಕಾಯುತ್ತಿದ್ದೇವೆ ಎಂದು ನೋಯೆಲ್ ಸೀನ್ ಹಾಗೂ ಎಸ್ತೆರ್‌ ನೊರೊನ್ಹಾ ತಿಳಿಸಿದ್ದಾರೆ.
ಈ ವಿಚ್ಛೇದನಕ್ಕೆ ನಮ್ಮಲ್ಲಿನ ಭಿನ್ನಾಭಿಪ್ರಾಯ ಕಾರಣವಾಗಿದ್ದು, ಅಂತಿಮವಾಗಿ ಈ ಸುಂದರವಾದ ಸಂಬಂಧವನ್ನು ನಾವು ಕೊನೆಗೊಳಿಸಲು ನಾವು ನಿರ್ಧರಿಸಿದ್ದೇವೆ. ಈ ವೇಳೆ ಇದಕ್ಕೆ ಬೆಂಬಲ ನೀಡುವಂತೆ ನಾನು ವಿನಂತಿಸಿಕೊಳ್ಳುತ್ತೇನೆ. ಇದು ಯಾವಾಗಲೂ ನನ್ನ ಜೀವನದ ಒಂದು ಸುಂದರವಾದ ಹಂತವಾಗಿದ್ದು, ನಾನು ದೇವರಿಗೆ ಧನ್ಯವಾದ ಸಲ್ಲಿಸುತ್ತೇನೆ ಎಂದು ನೋಯೆಲ್ ಬರೆದುಕೊಂಡಿದ್ದಾರೆ.
ಎಸ್ತೆರ್‌ ನೊರೊನ್ಹಾ ಅವರೇ ನಿಮಗೆ ದೇವರು ಒಳಿತು ಮಾಡಲಿ. ನಿಮ್ಮ ಕನಸೆಲ್ಲಾ ನನಸಾಗಲಿ ಎಂದು ನೋಯೆಲ್ ತಿಳಿಸಿದ್ದಾರೆ.
ಈ ಬಗ್ಗೆ ಇನ್‌ಸ್ಟಾಗ್ರಾಂನಲ್ಲಿ ಬರೆದುಕೊಂಡಿರುವ ಎಸ್ತೆರ್‌ ನೊರೆನ್ಹಾ ಅವರು, ನಾವು ಅಧಿಕೃತವಾಗಿ ವಿಚ್ಛೇದನ ಪಡೆದುಕೊಂಡಿದ್ದೇವೆ. ನಾವೆಲ್ಲರೂ ಮಾನವರಾಗಿದ್ದು, ಪ್ರತಿಯೊಬ್ಬರ ಜೀವನದಲ್ಲಿ ಏರಿತಗಳು ಇದ್ದೇ ಇದೆ.ಅಲ್ಲದೇ, ನಮ್ಮ ಜೀವನದಲ್ಲಿ ಹಲವು ಏರಿಳಿತಗಳನ್ನು ಎದುರಿಸುತ್ತೇವೆ. ಒಂದು ಸಂಬಂಧವನ್ನು ನಿಭಾಯಿಸುವುದು ಎಷ್ಟು ಕಷ್ಟ ಎಂದು ನಮಗೆ ತಿಳಿದಿದೆ. ಈ ಸಮಸ್ಯೆಗಳನ್ನು ನಮಗೆ ಪರಿಹರಿಸಲು ಆಗದೇ ಇದಲ್ಲಿ ನಾವು ತೀರ್ಪಿನ ಮೂಲಕ ಈ ಸಮಸ್ಯೆಗಳಿಗೆ ಪರಿಗಾರ ಕಂಡುಕೊಳ್ಳಬೇಕಾಗುತ್ತದೆ ಎಂದು ಬರೆದುಕೊಂಡಿದ್ದಾರೆ.
ನೋಯೆನ್‌ ಸೀನ್ ಹಾಗೂ ಎಸ್ತೆರ್‌ ನೊರೊನ್ಹಾ ಅವರು ಜನವರಿ 3, 2019ರಂದು ವಿವಾಹವಾಗಿದ್ದರು. ಅಲ್ಲದೇ, ಅವರು ಕೆಲವೇ ದಿನಗಳಲ್ಲಿ ಪ್ರತ್ಯೇಕಗೊಂಡಿದ್ದು, ಬಳಿಕ ಜೂನ್‌ 2019ರಲ್ಲಿ ಪರಸ್ಪರ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು.
ನೋಯೆಲ್ ಅವರು ಸಂಭವಾಮಿ ಯುಗೆ ಯುಗೆ ಎನ್ನುವ ತೆಲುಗು ಚಲನಚಿತ್ರದ ಮೂಲಕ ಟಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ್ದರು.ಚಿತ್ರದ ನಿರ್ದೇಶಕರು ಸಂಗೀತ ನಿದೇರ್ಶಕರಾದ ಎಂ.ಎಂ. ಕೀರವಾಣಿ ಅವರಿಗೆ ನೋಯೆಲ್ ಅವರನ್ನು ಪರಿಚಯಿಸಿದ್ದರು. ಅವರು ಎಸ್‌.ಎಸ್‌.ರಾಜಮೌಳಿ ಅವರ ವಿಕ್ರಮಾರ್ಕುಡು ಚಿತ್ರದಲ್ಲಿ ರಾಪರ್‌ ಆಗಿ ಕಾಣಿಸಿಕೊಂಡಿದ್ದರು. ಕುಮಾರಿ 21ಎಫ್‌ ಚಿತ್ರದಲ್ಲಿ ಕೂಡಾ ಅಭಿನಯಿಸಿದ್ದರು. ಅಲ್ಲದೇ, ನೋಯೆಲ್ ಅವರು ಕೆಲವು ಸ್ವತಂತ್ರ ಗೀತೆಗಳನ್ನು ಕೂಡಾ ರಚಿಸಿದ್ದು, ಸರಿಗಮಪ ಲಿಟ್ಲ್‌ ಚಾಂಪ್ಸ್‌‌‌‌ನ ತೆಲುಗು ಆವೃತ್ತಿಯನ್ನು ಸಹ ಆಯೋಜಿಸಿದ್ದರು.
ಏತನ್ಮಧ್ಯೆ, ಎಸ್ತೆರ್‌ ನೊರೊನ್ಹಾ ಅವರು, ತೆಲುಗು, ಕೊಂಕಣಿ ಹಾಗೂ ಕನ್ನಡ ಭಾಷೆಯ ಚಲನಚಿತ್ರಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು. ನೋಯೆಲ್ ಸೀನ್ ಅವರ ಡೆಸ್ಪಾಸಿಟೊದ ಕೊಂಕಣಿ ಹಾಡಿನಲ್ಲಿ ಈಸ್ಟರ್‌ ಕಾಣಿಸಿಕೊಂಡಿದ್ದರು. ಈ ಹಾಡು ಇತ್ತೀಚೆಗೆ ನಾಲ್ಕು ಮಿಲಿಯನ್‌ ವೀಕ್ಷಣೆ ದಾಟಿದ್ದು, ಇದು ಯೂಟ್ಯೂಬ್‌ನಲ್ಲಿ ಅತ್ಯಂತ ಜನಪ್ರಿಯ ಕೊಂಕಣಿ ಹಾಡಾಗಿದೆ.
ಚಾನಲ್ ಫಾಲೋ ಮಾಡಿ
