ಪುತ್ತೂರು: 'ಕರ್ನಾಟಕ-ಕೇರಳ ಗಡಿಯಲ್ಲಿ ಮುಕ್ತ ಸಂಚಾರಕ್ಕೆ ಕಾನೂನು ಕ್ರಮ ಕೈಗೊಳ್ಳಲಾಗುತ್ತಿದೆ' - ನಳಿನ್‌‌

•   Fri, Aug 28 2020 10:46:24 AM



• ಪುತ್ತೂರು‌, ಆ 28 (DaijiworldNews/PY): ಕರ್ನಾಟಕ-ಕೇರಳ ಗಡಿಯಲ್ಲಿ ಮುಕ್ತ ಸಂಚಾರಕ್ಕೆ ಸಂಬಂಧಿಸಿದಂತೆ ಕರ್ನಾಟಕ ಸರ್ಕಾರ ಕಾನೂನು ಕ್ರಮಗಳನ್ನು ಕೈಗೊಳ್ಳುತ್ತಿದೆ ಎಂದು ಸಂಸದ ಹಾಗೂ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್‌ ಕುಮಾರ್‌ ಕಟೀಲ್‌‌ ಹೇಳಿದ್ದಾರೆ.

  

  ಪುತ್ತೂರಿನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕೇರಳದಿಂದ ಹೆಚ್ಚಿನ ಸಂಖ್ಯೆಯಲ್ಲಿ ರೋಗಿಗಳು ಮಂಗಳೂರಿಗೆ ಪ್ರಯಾಣಿಸುವುದರಿಂದ ಜಿಲ್ಲೆಯಲ್ಲಿ ಕೊರೊನಾ ಸೋಂಕು ನಿಯಂತ್ರಿಸುವ ಸಲುವಾಗಿ ಈ ಹಿಂದೆ ಗಡಿಯನ್ನು ಬಂದ್‌‌ ಮಾಡಲಾಗಿತ್ತು. ತೆರವು ಆದ ಬಳಿಕ ಕೇರಳ ಸರ್ಕಾರ ಎಲ್ಲಾ ಗಡಿ ಪ್ರದೇಶಗಳನ್ನು ಬಂದ್‌ ಮಾಡಿದ್ದು, ಇದರಿಂದ ಉಭಯ ರಾಜ್ಯಗಳ ನಡುವೆ ಸಂಚಾರ ಮಾಡುವ ಉದ್ಯೋಗಿಗಳಿಗೆ ಕೆಲಸಕ್ಕೆ ಕುತ್ತು ಉಂಟಾಗಿ ಅವರ ನಿತ್ಯ ಜೀವನಕ್ಕೆ ಸಂಕಷ್ಟ ಎದುರಾಗಿತ್ತು. ಈಗ ಕೇಂದ್ರ ಸರ್ಕಾರವು ಉಚಿತ ಪ್ರಯಾಣಕ್ಕೆ ಅನುಮತಿ ನೀಡಿದರೂ ಕೂಡಾ ನಿರ್ಬಂಧಗಳು ಹಾಗೂ ಗೊಂದಲಗಳು ಮುಂದುವರೆದಿದ್ದು, ಈ ಸಮಸ್ಯೆಗಳನ್ನು ಬಗೆಹರಿಸಲು ಪ್ರಯತ್ನಗಳು ನಡೆಯುತ್ತಿವೆ ಎಂದು ತಿಳಿಸಿದರು.

  ಕೊರೊನಾ ವೈರಸ್‌ ಪರಿಸ್ಥಿತಿಯನ್ನು ರಾಜ್ಯ ಸರ್ಕಾರ ಹಾಗೂ ಜಿಲ್ಲಾಡಳಿತ ಸಮರ್ಥವಾಗಿ ನಿಭಾಯಿಸುತ್ತಿದೆ. ಜನರು ರೋಗದ ಬಗ್ಗೆ ಭಯಭೀತರಾಗಬಾರದು. ಆದರೆ ಜಾಗರೂಕರಾಗಿ ಹಾಗೂ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳಿ ಎಂದು ಸಲಹೆ ನೀಡಿದರು.

  ಜನವರಿ 27ರಂದು ಕಾಸರಗೋಡಿನಿಂದ ಮಂಗಳೂರಿಗೆ ತೆರಳಿ ವಾಪಾಸ್ಸಾದವರ ಸಂಖ್ಯೆ 1,200 ಎಂದು ತಿಳಿದುಬಂದಿದೆ. ಕೇರಳಕ್ಕೆ ಭೇಟಿ ನೀಡುವ ಜನರು ಈಗ ಕೊರೊನಾ ಜಾಗೃತಿ ಪೋರ್ಟಲ್‌‌ನಲ್ಲಿ ನೋಂದಾವಣಿ ಮಾಡಿಕೊಳ್ಳಬೇಕು ಹಾಗೂ ಚೆಕ್‌‌ಪೋಸ್ಟ್‌‌ಗಳಲ್ಲಿಆಂಟಿಜೆನ್‌‌‌ ಪರೀಕ್ಷೆಗೆ ಒಳಗಾಗಬೇಕಾಗುತ್ತದೆ.

  ಈ ಮಧ್ಯೆ, ಪ್ರತಿಜನಕ ಪರೀಕ್ಷೆಗೆ ಒಳಗಾಗಲು, ಕೊರೊನಾ ನೆಗೆಟಿವ್‌‌ ಸರ್ಟಿಫಿಕೇಟ್‌‌‌ ಹೋದಲು ಹಾಗೂ ಕೊರೊನಾ ಜಾಗೃತಾ ಪೋರ್ಟಲ್‌‌‌‌‌‌ನಲ್ಲಿ ನೋಂದಾಯಿಸಲು ನ್ಯಾಯಾಲಯದ ಆದೇಶದ ವಿರುದ್ದ ನಿರ್ಬಂಧಗಳನ್ನು ಹೇರುವ ಮೂಲಕ ಕಾಸರಗೋಡು ಜಿಲ್ಲಾಡಳಿತವು ಹೈಕೋರ್ಟ್‌ ತೀರ್ಪನ್ನು ಅಪಹಾಸ್ಯ ಮಾಡುತ್ತಿವಂತೆ ತೋರುತ್ತಿದೆ ಎಂದು ಕಾಸರಗೋಡು ಬಿಜೆಪಿ ಜಿಲ್ಲಾಧ್ಯಕ್ಷ ಕೆ.ಶ್ರೀಕಾಂತ್‌‌ ಹೇಳಿದ್ದಾರೆ.

  ಆಗಸ್ಟ್ 27ರ ಗುರುವಾರ ಕಾಸರಗೋಡ್‌ನಲ್ಲಿ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಅವರು, ಲಾಕ್‌ಡೌನ್‌ ಜಾರಿ ಮಾಡುವ ಮೊದಲು ಚಾಲ್ತಿಯಲ್ಲಿದ್ದ ಉಚಿತ ಪ್ರಯಾಣಕ್ಕೆ ಅನುವು ಮಾಡಿಕೊಡುವಂತೆ ಮನವಿ ಮಾಡಿದರು. ಈ ಅಗತ್ಯತೆಯನ್ನು ಮೂರು ದಿನಗಳಲ್ಲಿ ಮಾಡದಿದ್ದಲ್ಲಿ, ಬಿಜೆಪಿ ಪ್ರತಿಭಟನೆ ಮಾಡಲಿದೆ ಎಂದು ಎಚ್ಚರಿಸಿದರು.