ಕಾಸರಗೋಡು: 119 ಮಂದಿಗೆ ಕೊರೊನಾ ಸೋಂಕು ದೃಢ

•   Sat, Aug 22 2020 07:08:11 PM



• ಕಾಸರಗೋಡು, ಆ. 22(DaijiworldNews/HR): ಕಾಸರಗೋಡು ಜಿಲ್ಲೆಯಲ್ಲಿ ಶನಿವಾರ 119 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ.

  

  ರೋಗಿಗಳ ಸಂಪರ್ಕ ಸಂಖ್ಯೆಯೂ ಹೆಚ್ಚುತ್ತಿದ್ದು 116 ಮಂದಿಗೆ ಸಂಪರ್ಕದಿಂದ ಸೋಂಕು ತಗಲಿದೆ. ಇಬ್ಬರು ವಿದೇಶ ಹಾಗೂ ಓರ್ವ ಹೊರರಾಜ್ಯದಿಂದ ಬಂದವರಾಗಿದ್ದಾರೆ.

  ಇನ್ನು 47 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ. ಇದರಿಂದ ಒಟ್ಟು ಸೋಂಕಿತರ ಸಂಖ್ಯೆ 3891ಕ್ಕೆ ತಲಪಿದ್ದು, 2838 ಮಂದಿ ಗುಣಮುಖರಾಗಿದ್ದು, 1023 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

  ಶನಿವಾರ ಕಾಸರಗೋಡು ನಗರಸಭಾ ವ್ಯಾಪ್ತಿಯಲ್ಲಿ 32, ಅಜಾನೂರು 14, ತ್ರಿಕ್ಕರಿಪುರ 10, ಚೆಮ್ನಾಡ್ 7, ಚೆಂಗಳ 6, ಕಾಞ0 ಗಾಡ್, ಚೆರ್ವತ್ತೂರು ತಲಾ 5, ಮೊಗ್ರಾಲ್ ಪುತ್ತೂರು, ಪಿಲಿಕ್ಕೋಡ್, ಉದುಮ ತಲಾ 4, ಬೇಡಡ್ಕ, ಪುಲ್ಲೂರು ಪೆರಿಯ, ಬದಿಯಡ್ಕ ತಲಾ 3, ಪಳ್ಳಿಕೆರೆ, ಪಡನ್ನ, ಪನತ್ತಡಿ ತಲಾ ಎರಡು, ಕುಂಬಳೆ, ಕೋಡೋ ಬೇಳೂರು, ಕಿನಾನೂರು ಕರಿಂದಲ, ಕಯ್ಯೂರು ಚಿಮೇನಿ, ಪೈವಳಿಕೆ, ದೇಲಂಪಾಡಿ, ಕುತ್ತಿಕೋಲ್ ತಲಾ ಒಬ್ಬರಿಗೆ ಸೋಂಕು ದೃಢಪಟ್ಟಿದೆ.

  ಬದಿಯಡ್ಕ ಗ್ರಾಮ ಪಂಚಾಯತ್ ನ 1 ಮತ್ತು 5 ನೇ ಹಾಗೂ ಮುಳಿಯಾರಿನ ಎಂಟನೇ ವಾರ್ಡ್ ಹಾಟ್ ಸ್ಪಾಟ್ ಆಗಿ ಘೋಷಿಸಲಾಗಿದೆ.