ಕಾಸರಗೋಡು ಜಿಲ್ಲೆಯಲ್ಲಿ ಕೊರೊನಾ ಹೆಚ್ಚಳ-ಒಂದೇ ದಿನ 174 ಮಂದಿಯಲ್ಲಿ ಸೋಂಕು

•   Wed, Aug 19 2020 07:28:21 PM



• ಕಾಸರಗೋಡು, ಆ. 19, (DaijiworldNews/SM): ಜಿಲ್ಲೆಯಲ್ಲಿ ಬುಧವಾರ ಅತ್ಯಧಿಕ ಪಾಸಿಟಿವ್ ಪ್ರಕರಣಗಳು ದೃಢಪಟ್ಟಿದೆ. 174 ಮಂದಿಗೆ ಕೊರೋನಾ ಸೋಂಕು ದೃಢಪಟ್ಟಿದ್ದು, ಈ ಪೈಕಿ 154 ಮಂದಿಗೆ ಸಂಪರ್ಕದಿಂದ ಸೋಂಕು ತಗುಲಿದೆ.

  

  15 ಮಂದಿ ವಿದೇಶದಿಂದ ಹಾಗೂ ಐದು ಮಂದಿ ಹೊರ ರಾಜ್ಯಗಳಿಂದ ಬಂದವರಾಗಿದ್ದಾರೆ. ಬುಧವಾರ ಇದುವರೆಗಿನ ಗರಿಷ್ಟ ಸಂಖ್ಯೆಯ ಪಾಸಿಟಿವ್ ಜಿಲ್ಲೆಯಲ್ಲಿ ಪತ್ತೆಯಾಗಿದೆ. ಈ ನಡುವೆ 89 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ.

  ತ್ರಿಕ್ಕರಿಪುರ 11, ಕಾಞಂಗಾಡ್ 19, ಪಳ್ಳಿಕೆರೆ 22, ಚೆಮ್ನಾಡ್ 16 , ಬೆಳ್ಳೂರು, ಕರಿವೆಳ್ಳೂರು, ಮಂಗಲ್ಪಾಡಿ, ಪನತ್ತಡಿ, ಮೊಗ್ರಾಲ್ ಪುತ್ತೂರು, ಮುಳಿಯಾರು, ಎಣ್ಮಕಜೆ, ವಳಿಯಪರಂಬ, ಕಳ್ನಾಡ್, ಕಾರಡ್ಕ ತಲಾ 1, ಅಜನೂರು 11, ನೀಲೇಶ್ವರ, ಪಿಲಿಕ್ಕೋಡ್ ತಲಾ 3, ಪುಲ್ಲೂರು ಪೆರಿಯ 8, ಮಡಿಕೈ 4, ಮಧೂರು 6, ಕುಂಬಳೆ 9, ಮಂಜೇಶ್ವರ 6, ಕಳ್ಳಾರ್ 7, ಉದುಮ 15, ಪುತ್ತಿಗೆ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ತಲಾ ಒಬ್ಬರಿಗೆ ಸೋಂಕು ದೃಢಪಟ್ಟಿದೆ.

  ಜಿಲ್ಲೆಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 3576 ತಲಪಿದ್ದು, 941 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 941 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಜಿಲ್ಲೆಯಲ್ಲಿ 5119 ಮಂದಿ ನಿಗಾದಲ್ಲಿದ್ದು , 970 ಮಂದಿ ಐಸೋಲೇಷನ್ ವಾರ್ಡ್ ನಲ್ಲಿದ್ದಾರೆ.