ಮಂಗಳೂರು, ಆ. 10 (DaijiworldNews/MB) : ಕರಾವಳಿಯ ಬಾಲಕನೊಬ್ಬ ರಾತ್ರಿ ಬೆಳಗಾಗುವುದರೊಳಗೆ ಟ್ರೆಂಡ್ ಆಗಿದ್ದು ಸೆಲೆಬ್ರೆಟಿಗಳ ಗಮನ ಸೆಳೆದಿದ್ದಾನೆ. ಯೂಟ್ಯೂಬ್ ಚಾನೆಲ್ ಸಬ್ಸ್ಕ್ರೈಬ್ ಮಾಡಿ ಎಂದು ಹೇಳಲಾಗದೆ ಪರದಾಡಿದ ಬಾಲಕನ ವಿಡಿಯೋ ಇದೀಗ ವೈರಲ್ ಆಗಿದೆ.
ಬಬ್ಬುಕಟ್ಟೆಯ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ 6 ನೇ ತರಗಿತಿಯಲ್ಲಿ ವ್ಯಾಸಂಗ ಮಾಡುತ್ತಿರುವ ಮಂಗಳೂರಿನ ತೊಕ್ಕೊಟ್ಟಿನ ನಿವಾಸಿ ಅಬ್ದುಲ್ ರೆಹಮಾನ್ ಯೂಟ್ಯೂಬ್ ಚಾನಲ್ನಲ್ಲಿ ಸಬ್ಸ್ಕ್ರೈಬ್ ಮಾಡಿ ಎಂದು ಹೇಳಲು ಹೋಗಿ ಸಬ್ಸ್ಕ್ರೈಬ್ ಪದ ಉಚ್ಚರಿಸಲಾಗದೆ ಸರಪಕರೈಸ್, ಸಪರಕರೈಸ್ ಎನ್ನುವ ಮೂಲಕವೇ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್ ಆಗಿದ್ದಾನೆ.
ಇನ್ನು ಬಾಲಕನ 30 ಸೆಕೆಂಡುಗಳು ಈ ವಿಡಿಯೋ 35 ಲಕ್ಷಕ್ಕೂ ಅಧಿಕ ವೀವ್ಸ್ ಪಡೆದಿದ್ದು ಬಹು ಭಾಷಾ ಹಿನ್ನೆಲೆ ಗಾಯಕ ಅರ್ಮಾನ್ ಮಲಿಕ್ ಕೂಡಾ ಈ ವಿಡಿಯೋಗೆ ಕಾಮೆಂಟ್ ಮಾಡಿದ್ದಾರೆ.
ಈ ವಿಡಿಯೋದಲ್ಲಿ ಬಾಲಕನು, ''ನನ್ನ ಯೂಟ್ಯೂಬ್ ಚಾನೆಲ್ಗೆ ಸ್ವಾಗತ, ಇಂದು ನಾನು ಹೊಸ ಮಾಡಲಿದ್ದೇನೆ ದಯವಿಟ್ಟು ಸಬ್ಸ್ಕ್ರೈಬ್ ಮಾಡಿ'' ಎಂದು ಹೇಳಲು ಮುಂದಾಗಿದ್ದು ಸಬ್ಸ್ಕ್ರೈಬ್ ಪದ ಸರಿಯಾಗಿ ಉಚ್ಛಾರ ಮಾಡಲಾಗದೆ ಸರಪಕರೈಸ್, ಸಪರಕರೈಸ್ ಎಂದೆಲ್ಲಾ ಹೇಳಿದ್ದು ನಾನು 1 ಮಿಲಿಯನ್ ವೀವ್ಸ್ ಪಡೆಯಲು ಬಯಸುತ್ತೇನೆ ಎಂದು ಹೇಳಿದ್ದಾನೆ.