'"ಪೂಜಾರಿ" ಆಶೀರ್ವಾದ ಪಡೆದ ಶಾಸಕ ಮೊಯ್ದೀನ್ ಬಾವ ಮತ್ತು ಜೆ.ಆರ್.ಲೋಬೋ

•   Fri, Apr 20 2018 04:50:54 PM



• ಮಂಗಳೂರು, ಏ 20: ಕರ್ನಾಟಕ ವಿಧಾನಸಭೆ ಚುನಾವಣೆ ಸಮೀಪಿಸುತ್ತಿದ್ದಂತೆ ಕಾಂಗ್ರೆಸ್ ಮುಖಂಡರು ಪಕ್ಷದ ಹಿರಿಯ ಮುಖಂಡ ಬಿ. ಜನಾರ್ದನ ಪೂಜಾರಿ ಅವರ ಆಶೀರ್ವಾದ ಪಡೆಯಲು ತೆರಳುತ್ತಿದ್ದಾರೆ.

  

  

  

  

  

  ಇದೀಗ ಈ ಸಾಲಿಗೆ ಮಂಗಳೂರು ಉತ್ತರ ಶಾಸಕ ಮೊಯ್ದೀನ್ ಬಾವಾ ಮತ್ತು ಶಾಸಕ ಜೆ.ಆರ್ ಲೋಬೋ ಕೂಡ ಸೇರಿದ್ದಾರೆ. ಇತ್ತೀಚೆಗೆ ಬಂಟ್ವಾಳ ಕ್ಷೇತ್ರದ ಅಭ್ಯರ್ಥಿ ರಮಾನಾಥ ರೈ ಕಾಂಗ್ರೆಸ್ ಹಿರಿಯ ಮುಖಂಡ ಜನಾರ್ಧನ ಪೂಜಾರಿ ಅವರ ಮನೆಗೆ ತೆರಳಿ ಆಶೀರ್ವಾದ ಪಡೆದಿದ್ದರು.

  ಇದೀಗ ಶಾಸಕ ಜೆ.ಆರ್ ಲೋಬೋ ಪೂಜಾರಿ ನಿವಾಸಕ್ಕೆ ತೆರಳಿದ್ದು, ಪೂಜಾರಿ ಜೊತೆ ಮಾತುಕತೆ ನಡೆಸಿದ್ದಾರೆ. ವಿಧಾನಸಭಾ ಚುನಾವಣೆಯಲ್ಲಿ ಅತೀ ಹೆಚ್ಚು ಮತಗಳ ಅಂತರದಿಂದ ಗೆದ್ದು ಬರುತ್ತೀರಿ ಎನ್ನುವ ಭರವಸೆ ಇದೆ. ನೀವು ಮಾಡಿದ ಅಭಿವೃದ್ಧಿ ಕೆಲಸಗಳು ನಿಮ್ಮ ಕೈ ಹಿಡಿಯುತ್ತದೆ. ಚುನಾವಣೆಯಲ್ಲಿ ಗೆದ್ದೇ ಗೆಲ್ಲುತ್ತೀರಿ ಎಂದು ಜೆ.ಆರ್ ಲೋಬೋ ಅವರಿಗೆ ಪೂಜಾರಿ ಆಶೀರ್ವಾದ ಮಾಡಿದ್ದಾರೆ.

  ಇನ್ನೂ ಮೊಯ್ದೀನ್ ಬಾವ ಅವರ ಜೊತೆ ಮಾತನಾಡಿದ ಪೂಜಾರಿ, ನೀವು ಭರವಸೆಯ ನಾಯಕ. ಜನರ ಎಲ್ಲಾ ರೀತಿಯ ಬೇಡಿಕೆಗಳಿಗೆ ಸ್ಪಂದಿಸಿದ್ದೀರಿ. ಜನರಿಗೆ ನಿಮ್ಮ ಮೇಲೆ ಒಳ್ಳೆಯ ಅಭಿಪ್ರಾಯವಿದೆ. ಆದ್ದರಿಂದ ಗೆಲುವು ನಿಶ್ಚಿತ ಎಂದು ಪೂಜಾರಿ ಆಶೀರ್ವಾದಿಸಿದ್ದಾರೆ.