ಕಾಸರಗೋಡು: ಒಂದು ವಾರ ಕಳೆದರೂ ಪತ್ತೆಯಾಗದ ಸಮುದ್ರಕ್ಕೆ ಹಾರಿದ ಪೋಕ್ಸೋ ಆರೋಪಿ

•   Wed, Jul 29 2020 08:43:50 AM



• ಕಾಸರಗೋಡು, ಜು. 29 (DaijiworldNews/MB) : ಪೋಕ್ಸೋ ಆರೋಪಿ ಸಮುದ್ರಕ್ಕೆ ಹಾರಿ ಒಂದು ವಾರ ಕಳೆದರೂ ಇನ್ನೂ ಪತ್ತೆಯಾಗಿಲ್ಲ.

  

  ದಿನಗಳಿಂದ ಕರಾವಳಿ ರಕ್ಷಣಾ ಪಡೆ, ಮೀನುಗಾರರು, ಮುಳುಗು ತಜ್ಞರು ಶೋಧ ನಡೆಸಿದ್ದು. ಆದರೆ ಈತನನ್ನು ಪತ್ತೆ ಹಚ್ಚಲು ಸಾಧ್ಯವಾಗಿಲ್ಲ.

  ಜುಲೈ 22 ರಂದು ಬೆಳಿಗ್ಗೆ ಕಾಸರಗೋಡು ಬಂದರು ಬಳಿ ಕೂಡ್ಲು ಕಾಳ್ಯಾಂಗಾಡ್ ನ ಮಹೇಶ್ (28) ಪೊಲೀಸರ ಕಣ್ಮುಂದೆಯೇ ಸಮುದ್ರಕ್ಕೆ ಹಾರಿದ್ದನು. ಶೌಚಾಲಯದಲ್ಲಿ ಬಾಲಕಿಯ ವಿಡಿಯೋವನ್ನು ಮೊಬೈಲ್ ನಲ್ಲಿ ಸೆರೆ ಹಿಡಿದ ಪ್ರಕರಣ ಆರೋಪಿಯಾಗಿದ್ದು, ಮೊಬೈಲ್‌ನ್ನು ಕಾಸರಗೋಡು ಬಂದರು ಬಳಿ ಕಲ್ಲಿ ನೆಡೆಯಲ್ಲಿ ಇಟ್ಟಿರುವುದಾಗಿ ನೀಡಿದ ಮಾಹಿತಿಯಂತೆ ಮೊಬೈಲನ್ನು ವಶಕ್ಕೆ ತೆಗೆದುಕೊಳ್ಳಲು ಕರೆತರಲಾಗಿತ್ತು. ಈ ಸಂದರ್ಭದಲ್ಲಿ ಈತ ಸಮುದ್ರಕ್ಕೆ ಹಾರಿದ್ದನು.