ಉಕ್ಕಿನಡ್ಕ: ಚರ್ಚ್ ನ ಸ್ಮಶಾನದ ಶಿಲುಬೆಗೆ ಹಾನಿ ಮಾಡಿದ ದುಷ್ಕರ್ಮಿಗಳು

•   Tue, Apr 17 2018 10:32:28 AM



• ಕಾಸರಗೋಡು, ಏ17: ಪೆರ್ಲ ಉಕ್ಕಿನಡ್ಕದಲ್ಲಿರುವ ಸೇಕ್ರೆಟ್ ಹಾರ್ಟ್ ಆಫ್ ಜೀಸಸ್ ಇಗರ್ಜಿಯ ಸ್ಮಶಾನದಲ್ಲಿ ಕೆಲ ವಸ್ತುಗಳು ಪತ್ತೆಯಾಗಿದ್ದು , ಮೃತದೇಹದ ದಫನ ಹೊಂಡದ ಮೇಲೆ ಹಾಕಲಾಗಿದ್ದ ಶಿಲುಬೆ ಗಳನ್ನು ಹಾನಿಗೊಳಿಸಲಾಗಿದೆ.ಇದು ವಿಘ್ನ ಸಂತೋಷಿಗಳ ಕೈವಾಡವೇ ಅಥವಾ ಸಮಾಜದ್ರೋಹಿಗಳ ಕೈವಾಡವೇ ಎಂಬ ಸಂಶಯ ತಲೆದೋರಿದೆ. ಸೋಮವಾರ ಬೆಳಿಗ್ಗೆ ಸ್ಥಳೀಯರೋರ್ವರು ಗಮನಿಸಿದ್ದು, ಬಳಿಕ ಇಗರ್ಜಿ ಪಾಲನಾ ಸಮಿತಿ ಪದಾಧಿಕಾರಿಗಳಿಗೆ ಮಾಹಿತಿ ನೀಡಲಾಯಿತು. ಪಾಲನಾ ಸಮಿತಿ ಪದಾಧಿಕಾರಿಗಳು ನೀಡಿದ ಮಾಹಿತಿಯಂತೆ ಬದಿಯಡ್ಕ ಠಾಣಾ ಪೊಲೀಸರು ಸ್ಥಳಕ್ಕಾಗಮಿಸಿ ಮಾಹಿತಿ ಕಲೆ ಹಾಕಿದ್ದಾರೆ . ಸ್ಮಶಾನದಲ್ಲಿನ ಏಳು ಹೊಂಡಗಳ ಮೇಲೆ ಅಳವಡಿಸಲಾಗಿದ್ದ ಶಿಲುಬೆಗಳನ್ನು ಕಿತ್ತೆಸೆದು ಹುಡಿ ಮಾಡಲಾಗಿದೆ. ಸಿಯಾಳ ಮತ್ತು ಸೌತೆ ಕಾಯಿ ಮೊದಲಾದವುಗಳನ್ನು ಸಣ್ಣ ಹೊಂಡ ತೆಗೆದು ಇಡಲಾಗಿದೆ.ಮಾಟ ಮಂತ್ರದ ಶಂಕೆಯೂ ವ್ಯಕ್ತವಾಗಿದೆ. ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.