ಉಡುಪಿ: 'ನರ್ಮ್ ಬಸ್‌‌‌‌‌‌ ಸಂಚಾರ ಸಮೀಕ್ಷೆಗೆ ಅಧಿಕಾರಿಗಳಿಗೆ ಸೂಚನೆ' - ಡಿಸಿ ಜಿ.ಜಗದೀಶ್‌‌

•   Tue, Jul 21 2020 11:53:32 AM



• ಉಡುಪಿ‌‌‌‌, ಜು 21 (DaijiworldNews/PY): ಅಧಿಕಾರಿಗಳಿಗೆ ನರ್ಮ್ ಬಸ್‌‌ ಸಂಚಾರವನ್ನು ಪ್ರಾರಂಭ ಮಾಡಲು ಸಮೀಕ್ಷೆ ಮಾಡುವಂತೆ ಸೂಚನೆ ನೀಡಿರುವುದಾಗಿ ಜಿಲ್ಲಾಧಿಕಾರಿ ಜಿ.ಜಗದೀಶ್‌‌ ಹೇಳಿದ್ದಾರೆ.

  

  ಜಿಲ್ಲೆಯ ಗಡಿಗಳನ್ನು 14 ದಿನ ಬಂದ್‌ ಮಾಡಲಾಗಿದೆ. ಜಿಲ್ಲೆಯಲ್ಲಿ ಆರ್ಥಿಕ ಚಟುವಟಿಕೆಗಳು ಸ್ಥಗಿತವಾಗಬಾರದು ಎನ್ನುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ. ಆದರೆ, ಬೇರೆ ಜಿಲ್ಲೆಗಳಲ್ಲಿ ಸಂಪೂರ್ಣವಾಗಿ ಲಾಕ್‌ಡೌನ್‌ ಮಾಡಲಾಗಿದೆ ಎಂದಿದ್ದಾರೆ.

  ಜಿಲ್ಲೆಯಲ್ಲಿ ಪ್ರತಿದಿನ ನೂರಕ್ಕಿಂತ ಅಧಿಕ ಹಾಗೂ ಸಾಕಷ್ಟು ಸ್ಥಳೀಯ ಕೊರೊನಾ ಪ್ರಕರಣಗಳು ಪತ್ತೆಯಾಗುತ್ತಿವೆ. ಈ ಕಾರಣಸಿಂದ ಮುಂಜಾಗ್ರತಾ ಕ್ರಮವಾಗಿ ಸಾರ್ವಜನಿಕ ಸಾರಿಗೆಯನ್ನು ಸ್ಥಗಿತಗೊಳಿಸಿದ್ದೇವೆ. ಇನ್ನು ಯಾವುದೇ ಬಸ್‌ಗಳಲ್ಲಿ ಜು 27ರ ನಂತರ 30ಕ್ಕಿಂತ ಅಧಿಕ ಜನರನ್ನು ಕರೆದುಕೊಂಡು ಹೋದರೆ ಕ್ರಿಮಿನಲ್‌‌ ಪ್ರಕರಣ ದಾಖಲು ಮಾಡಲಾಗುತ್ತದೆ ಎಂದು ತಿಳಿಸಿದ್ಧಾರೆ.