ಬೆಳ್ಮಣ್ , ಜು 18 (Daijiworld News/MSP): ಗ್ರಾಮ ಪಂಚಾಯತಿ ಬೆಳ್ಮಣ್ ನ ಸದಸ್ಯರೊಬ್ಬರಿಗೆ ಇತ್ತಿಚೆಗೆ ಕರೊನಾ ಪಾಸಿಟಿವ್ ದೃಢವಾಗಿದ್ದು ಇದೀಗ ಅವರ ಪತ್ನಿಗೂ ಕರೊನಾ ಪಾಸಿಟಿವ್ ದೃಢವಾಗಿದೆ.
ಕೆಲ ದಿನಗಳ ಹಿಂದೆ ಗ್ರಾಮ ಪಂಚಾಯತಿ ಸದಸ್ಯರಿಗೆ ಹಾಗೂ ಸಿಬ್ಬಂದಿಗಳಿಗೆ ಕೋವಿಡ್ ಪರೀಕ್ಷೆ ನಡೆಸಲಾಗಿದ್ದು ಈ ಸಂದರ್ಭ ಜಂತ್ರ ಪುನಾರು ನಿವಾಸಿ ಸದಸ್ಯರೊಬ್ಬರಿಗೆ ಪಾಸಿಟಿವ್ ವರದಿಯಾಗಿದ್ದು ಆ ಬಳಿಕ ಮನೆಯ ಮಂದಿಯನ್ನು ಕೋವಿಡ್ ಪರೀಕ್ಷೆ ನಡೆಸಲಾಗಿದ್ದು ಅವರ ಮನೆಯ ಸಂಬಂಧಿಯ ಸುಮಾರು ಏಳು ವರ್ಷದ ಮಗುವಿಗೆ ಕರೋನಾ ಪಾಸಿಟಿವ್ ದೃಢವಾಗಿತ್ತು. ಇದೀಗ ಮತ್ತೆ ಸೋಂಕಿತ ಸದಸ್ಯನ ಪತ್ನಿಗೂ ಪಾಸಿಟಿವ್ ವರದಿ ದೃಢವಾಗಿದೆ.
ಈ ಹಿನ್ನೆಲೆಯಲ್ಲಿ ಅವರ ವಾಸದ ಮನೆಯನ್ನು ಸೀಲ್ ಡೌನ್ ಮಾಡಲಾಗಿದ್ದು ಹತ್ತಿರದ ಕೆಲವು ಮನೆಗಳನ್ನು ಕಂಟೈನ್ ಮೆಂಟ್ ಝೋನ್ ನಲ್ಲಿ ಇಡಲಾಗಿದೆ. ಒಟ್ಟಾರೆ ಬೆಳ್ಮಣ್ ಜಂತ್ರ ಪುನಾರು ಭಾಗದ ಒಂದೇ ಮನೆಯಲ್ಲಿ ಮೂರು ಪಾಸಿಟಿವ್ ಪ್ರಕರಣ ದಾಖಲಾಗಿದ್ದು ಇಡೀ ಗ್ರಾಮದ ಜನ ಆತಂಕಗೊಂಡಿದ್ದಾರೆ.