ಕುಂದಾಪುರ, ಜು 18 (Daijiworld News/MSP): ಕುಂದಾಪುರ ಪೊಲೀಸ್ ಠಾಣೆಯ ಎಎಸ್ಐಗೆ ಕೊರೋನಾ ಪಾಸಿಟಿವ್ ದೃಢ ಪಟ್ಟಿದ್ದು, ಈ ಹಿನ್ನಲೆಯಲ್ಲಿ ಒಂದು ದಿನದ ಮಟ್ಟಿಗೆ ಕುಂದಾಪುರ ಪೊಲೀಸ್ ಠಾಣೆಯನ್ನು ಮುಚ್ಚಿ, ಸ್ಯಾನಿಟೈಸ್ ಮಾಡಲಾಗುವುದು. ಹೀಗಾಗಿ ಒಂದಿ ದಿನ ಮಟ್ಟಿಗೆ ಕುಂದಾಪುರದ ಪ್ರವಾಸಿ ಮಂದಿರದಲ್ಲಿ ಸ್ಟೇಷನ್ಗೆ ಸಂಬಂಧಿಸಿದ ಕಾರ್ಯನಿರ್ವಹಣೆ ನಡೆಯಲಿದೆ.
ಕೋವಿಡ್ ದೃಢ ಪಟ್ಟಿರುವ ಎಎಸ್ಐ ಹೈವೆ ಪಟ್ರೋಲ್ನಲ್ಲಿಯೂ ಕೆಲ ದಿನಗಳ ಕಾಲ ಡ್ಯೂಟಿ ಮಾಡಿದ್ದರು. ಈ ಹಿಂದೆ ಹೈವೆ ಪಟ್ರೋಲ್ನ ಚಾಲಕ ಸಿಬ್ಬಂದಿಗೆ ಪಾಸಿಟಿವ್ ಕಾಣಿಸಿಕೊಂಡಿತ್ತು. ಈ ಸಂದರ್ಭ ಪ್ರಾಥಮಿಕ ಸಂಪರ್ಕದ ಆಧಾರದಲ್ಲಿ ಎಎಸ್ಐ ಹಾಗೂ ನಾಲ್ವರು ಸಿಬ್ಬಂದಿಗಳನ್ನು ಹೋಂಕ್ವಾರಂಟೈನ್ ಮಾಡಲಾಗಿತ್ತು. ಏಳು ದಿನಗಳ ಬಳಿಕ ಗಂಟಲು ದ್ರವ ಸಂಗ್ರಹಿಸಿದಾಗ ಇವರಿಗೆ ಪಾಸಿಟಿವ್ ಕಂಡು ಬಂದಿದೆ. ಹಾಗಾಗಿ ಅವರು ಈ ತನಕ ಕರ್ತವ್ಯ ಬಂದಿರಲಿಲ್ಲ.
ಆದರೂ ಮುಂಜಾಗೃತ ಕ್ರಮವಾಗಿ ಒಂದು ದಿನ ಠಾಣೆಯನ್ನು ಮುಚ್ಚಿ, ಸ್ಯಾನಿಟೈಸ್ ಮಾಡಲಾಗುವುದು. ನಾಳೆ ಎಂದಿನಂತೆ ತೆರೆಯಲಿದೆ ಎಂದು ಎಎಸ್ಪಿ ತಿಳಿಸಿದ್ದಾರೆ.