ಬೆಳ್ಮಣ್‌: ಬಾಲಕ ಸಹಿತ ಮೂರು ಮಂದಿಗೆ ಕೊರೊನಾ ಪಾಸಿಟಿವ್

•   Fri, Jul 17 2020 08:27:50 AM



• ಬೆಳ್ಮಣ್, ಜು 17 (Daijiworld News/MSP): ಗ್ರಾಮ ಪಂಚಾಯತಿ ಬೆಳ್ಮಣ್‌ನ ಸದಸ್ಯರೊಬ್ಬರಿಗೆ ಇತ್ತಿಚೆಗೆ ಕರೊನಾ ಪಾಸಿಟಿವ್ ವರದಿಯಾಗಿದ್ದು ಇದೀಗ ಸೋಂಕಿತ ವ್ಯಕ್ತಿಯ ಮನೆಯಲ್ಲಿ ಸಂಬಂಧಿಯ ಸುಮಾರು ಏಳು ವರ್ಷದ ಮಗುವಿಗೂ ಕೋವಿಡ್ 19 ಪಾಸಿಟಿವ್ ವರದಿಯಾಗಿದೆ.

   

  ಸೋಂಕಿತ ಗ್ರಾಮ ಪಂಚಾಯತಿ ಸದಸ್ಯ ಮನೆಯಲ್ಲೇ ಹೋಂ ಕ್ವಾರಂಟೈನಲ್ಲಿದ್ದು ಇದೀಗ ಮಗುವಿಗೂ ಪಾಸಿಟಿವ್ ವರದಿ ದೃಢವಾಗಿದ್ದು ಗ್ರಾಮಸ್ಥರಲ್ಲಿ ಆತಂಕ ಹೆಚ್ಚಾಗಿದೆ.

  ಕೋಡಿಮಾರಿನಲ್ಲಿ ಪಾಸಿಟಿವ್ : ಬೆಳ್ಮಣ್ ಪಂಚಾಯತಿ ವ್ಯಾಪ್ತಿಯ ಕೋಡಿಮಾರ್ ನಿವಾಸಿ ಸುಮಾರು 63 ವರ್ಷದ ವ್ಯಕ್ತಿಯೊಬ್ಬರಿಗೆ ಕರೋನಾ ಪಾಸಿಟಿವ್ ವರದಿಯಾಗಿದ್ದು ಸೋಂಕಿತ ವ್ಯಕ್ತಿಯನ್ನು ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ರಿಕ್ಷಾ ಚಾಲಕನಿಗೆ ಕರೋನ : ಇತ್ತಿಚೆಗೆ ವಿದೇಶದಿಂದ ಬಂದ ಪಡುಬಿದ್ರಿ ನಿವಾಸಿಯೊಬ್ಬರಿಗೆ ಕರೋನ ಪಾಸಿಟ್ ವರದಿಯಾಗಿದ್ದು ಸೋಂಕಿತ ವ್ಯಕ್ತಿಯನ್ನು ವಿಮಾನ ನಿಲ್ದಾಣದಿಂದ ಕರೆದುಕೊಂಡು ಬಂದಿರುವ ಪಡುಬಿದ್ರಿಯ ರಿಕ್ಷಾ ಚಾಲಕರೊಬ್ಬರಿಗೆ ಕೋವಿಡ್ 19 ಪಾಸಿಟಿವ್ ವರದಿಯಾಗಿದೆ.

  ಗುರುವಾರ ಒಂದೇ ದಿನ ಬೆಳ್ಮಣ್ ಪ್ರಾಥಮಿಕ ಆರೋಗ್ಯ ಕೇಂದ್ರ ವ್ಯಾಪ್ತಿಯಲ್ಲಿ ಮೂರು ಪಾಸಿಟಿವ್ ಪ್ರಕರಣ ದಾಖಲಾಗಿದೆ.