ಉಡುಪಿ: ಲಾಕ್ ಡೌನ್ ಅಥವಾ ಗಡಿಗಳ ಸೀಲ್ ಡೌನ್ ನಾಳೆ ನಿರ್ಧಾರ- ಡಿ.ಸಿ ಜಿ. ಜಗದೀಶ್

•   Mon, Jul 13 2020 03:26:05 PM



• ಉಡುಪಿ, ಜು13 (Daijiworld News/MSP): ಉಡುಪಿ ಜಿಲ್ಲೆಯಲ್ಲಿ ಲಾಕ್ ಡೌನ್ ಜಾರಿಗೊಳಿಸುವ ಬಗ್ಗೆ ನಾಳೆ (ಜು.14) ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಜಿಲ್ಲಾಧಿಕಾರಿ ಜಿ. ಜಗದೀಶ್ ಹೇಳಿದ್ದಾರೆ.

  

  ಮುಖ್ಯಮಂತ್ರಿಗಳೊಂದಿಗೆ ವಿಡಿಯೋ ಸಂವಾದದ ಬಳಿಕ ಮಾತನಾಡಿದ, ಜಿಲ್ಲಾಧಿಕಾರಿ " ಜಿಲ್ಲೆಯಲ್ಲಿ ಜನಪ್ರತಿನಿಧಿಗಳನ್ನು ವಿಶ್ವಾಸಕ್ಕೆ ಪಡೆದು ನಿರ್ಧಾರ ಕೈಗೊಳ್ಳಲು ಸಿಎಂ ಸೂಚಿಸಿದ್ದಾರೆ. ಹೀಗಾಗಿ ಜಿಲ್ಲೆಯಲ್ಲಿ ಒಂದು ವೇಳೆ ಲಾಕ್ ಡೌನ್ ಮಾಡುವುದಿದ್ದರೂ ಕೂಡಾ ಜನರಿಗೆ ಮುಂಚಿತವಾಗಿ ಮಾಹಿತಿ‌ ನೀಡುತ್ತೇವೆ. ಸಂಚಾರ ನಡೆಸಲು ಇಚ್ಚಿಸುವವರಿಗೆ ಎರಡು ದಿನದ ಅವಕಾಶ ನೀಡಲಾಗುತ್ತದೆ. ಸಾರ್ವಜನಿಕರು ಈ ಬಗ್ಗೆ ಗಾಬರಿಯಾಗುವುದು ಬೇಡ"  ಎಂದು ಹೇಳಿದ್ದಾರೆ.

  ಲಾಕ್ ಡೌನ್ ಅಲ್ಲದಿದ್ದರೆ ಜಿಲ್ಲೆಯ ಗಡಿಗಳ ಸೀಲ್ ಡೌನ್ ಬಗ್ಗೆ ಚಿಂತನೆ ನಡೆಸಲಾಗಿದೆ. ಈ ಕುರಿತು ಅಂತಿಮ ನಿರ್ಧಾರವನ್ನು ನಾಳೆ ನಡೆಯಲಿರುವ ಸಭೆಯಲ್ಲಿ ತೆಗೆದುಕೊಳ್ಳಲಾಗುವುದು. ಒಂದು ವೇಳೆ ಲಾಕ್ ಡೌನ್ ಅದರೂ ಕೂಡಾ ಎಸ್ ಎಸ್ ಎಲ್ ಸಿ ಮೌಲ್ಯಮಾಪನ ಎಂದಿನಂತೆ ನಡೆಯಲಿದೆ.

  ಮೌಲ್ಯಮಾಪನಕ್ಕೆ ಬೇಕಾದ ಅಗತ್ಯ ಸಿದ್ದತೆಗಳನ್ನು ಮಾಡುತ್ತೇವೆ ಎಂದು ಜಿಲ್ಲಾಧಿಕಾರಿ ಸ್ಪಷ್ಟಪಡಿಸಿದ್ದಾರೆ.