ಮಂಗಳೂರು: ಮನೆ ಕಂಪೌಂಡ್ ಗೋಡೆ ಕುಸಿದು ವ್ಯಕ್ತಿ ಮೃತ್ಯು

•   Fri, Jun 12 2020 09:33:57 PM



• ಮಂಗಳೂರು, ಜೂ 12 (DaijiworldNews/SM): ಮನೆಯ ಕಂಪೌಂಡ್ ಗೋಡೆ ಕುಸಿದು ಬಿದ್ದು ವ್ಯಕ್ತಿಯೊಬ್ಬರು ಮೃತಪಟ್ಟಿರುವ ಘಟನೆ ಮಂಗಳೂರಿನ ಹೊರವಲಯದ ಗುರುಪುರ ಮಠದ ಗುಡ್ಡೆ ಎಂಬಲ್ಲಿ ನಡೆದಿದೆ. ನಾರಾಯಣ ನಾಯ್ಕ(52) ಮೃತಪಟ್ಟವರಾಗಿದ್ದಾರೆ.

  

  

  ಶುಕ್ರವಾರದಂದು ಸುರಿದ ಭಾರೀ ಗಾಳಿ ಮಳೆಯಿಂದಾಗಿ ತನ್ನದೇ ಮನೆಯ ತಡೆಗೋಡೆ ಕುಸಿದು ಬಿದ್ದು ಅವರು ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ. ಮೃತರು ತಮ್ಮ ಮನೆಯ ಪಕ್ಕದಲ್ಲಿ ನೂತನವಾಗಿ ನಿರ್ಮಿಸಿದ್ದ ತಡೆಗೋಡೆಯ ಸಮೀಪದಲ್ಲಿ ಮೆಳೆಯ ನೀರು ಹರಿದು ಹೋಗುವ ಚರಂಡಿ ಸರಿಪಡಿಸುತ್ತಿದ್ದರು. ಈ ಸಂದರ್ಭದಲ್ಲಿ ಅವಘಡ ಸಂಭವಿಸಿದೆ.