ಮಂಗಳೂರು : ಮುನಿರತ್ನ ವಿರುದ್ದ ಮುನಿದ ಹುಚ್ಚ ವೆಂಕಟ್ ಸಿಎಂ ಆದರೆ ಏನು ಮಾಡ್ತಾರೆ ಗೊತ್ತಾ

•   Wed, Mar 28 2018 03:47:58 PM



• ಮಂಗಳೂರು, ಮಾ 28 : ರಾಜರಾಜೇಶ್ವರಿ ನಗರದ ಶಾಸಕ ಮುನಿರತ್ನ ಮತದಾರರನ್ನು ಸೆಳೆಯಲು ಕುಕ್ಕರ್ ಹಾಗು ಸ್ಟೌವ್ ನೀಡುತ್ತಿದ್ದು, ಇವರಂತಹ ರಾಜಕಾರಣಿಗಳು ಕರ್ನಾಟಕಕ್ಕೆ ಕಳಂಕ ಎಂದು ಫೈರಿಂಗ್ ಸ್ಟಾರ್ ಹುಚ್ಚಾ ವೆಂಕಟ್ ಮುನಿರತ್ನ ವಿರುದ್ಧ ಮತ್ತೆ ಗುಡುಗಿದ್ದಾರೆ.ನಗರದಲ್ಲಿ ಮಾ. 28 ರ ಬುಧವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಯುವ ಜನತೆ ಇಂತಹ ಆಮಿಷಕ್ಕೆ ಒಳಗಾಗದೇ ಉತ್ತಮ ವ್ಯಕ್ತಿಯನ್ನು ಚುನಾವಣೆಯಲ್ಲಿ ಆರಿಸಬೇಕು‌ ಎಂದರು. ಸಿ.ಎಂ ಸಿದ್ದರಾಮಯ್ಯನವರ ಬಗ್ಗೆ ಹೊಗಳಿ ಮಾತನಾಡಿದ ಅವರು, ಕಪಟ ರಾಜಕಾರಣಿಗಳ ವಿರುದ್ದ ಯಾವಾಗಲೂ ಧ್ವನಿ ಇದ್ದೇ ಇರುತ್ತೆ . ಆದರೆ ನಾನು ಯಾವುದೇ ಪಕ್ಷದ ವಿರೋಧಿ ಅಲ್ಲ ಎಂದರು. 

  

  ಇನ್ನು ಸಿಎಂ ಆಗಬೇಕೆನ್ನುವ ಆಸೆ ವ್ಯಕ್ತಪಡಿಸಿದ ಅವರು, ತಾನು ಈ ರಾಜ್ಯದ ಮುಖ್ಯಮಂತ್ರಿ ಆದರೆ, ತಾನು ದೆಹಲಿ, ಬೆಂಗಳೂರಿನಲ್ಲಿದ್ದುಕೊಂಡು ಕೆಲಸ ಮಾಡಲ್ಲ, ನನ್ನದೇನಿದ್ರೂ ಫೀಲ್ಡ್ ವರ್ಕ್, ಬಡವರ ನೊಂದವರ ಪರ ಕೆಲಸ ಮಾಡುವ ಅವರು ಮೂಲಭೂತ ಸೌಕರ್ಯಗಳು ಜನತೆಗೆ ತಲುಪುವಲ್ಲಿ ಹೆಚ್ಚು ಕೆಲಸ ಮಾಡುತ್ತೇನೆ ಎಂದರು. ಇದೇ ವೇಳೆ ತಮ್ಮ ಸಿನಿಮಾ ಸಿನಿಮಾ 'ಡಿಕ್ಟೇಟರ್‌' ಗೆ ಪ್ರೋತ್ಸಾಹಿಸಬೇಕು ಎಂದು ವಿನಂತಿಸಿಕೊಂಡರು.