ದುಪ್ಪಟ್ಟದ ಕುಸುರಿ ರೂಪದಲ್ಲಿತ್ತು ಚಿನ್ನ..! ಸಾಗಾಟಗಾರನ ಬಂಧನ

•   Sun, Mar 25 2018 03:20:25 PM



• ಬೆಂಗಳೂರು, ಮಾ 25 : ಬೆಂಗಳೂರಿನ  ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಅಕ್ರಮವಾಗಿ ಚಿನ್ನಾಭರಣ ಸಾಗಾಟ ಮಾಡುತ್ತಿದ್ದ ಮುಂಬೈ ಮೂಲದ 40 ವರ್ಷದ ವ್ಯಕ್ತಿಯೊಬ್ಬನನ್ನು ಶನಿವಾರ ರಾತ್ರಿ ಕಸ್ಟಮ್ಸ್‌ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ.

  

  ಸಾಂದರ್ಭಿಕ ಚಿತ್ರ 

  ದುಬೈನಿಂದ ಬಂದ ಇಂಡಿಗೋ ವಿಮಾನದಲ್ಲಿ ಬಂದಿಳಿದ ವ್ಯಕ್ತಿ ತಪಾಸಣೆ ವೇಳೆ ಸಿಕ್ಕಿ ಬಿದ್ದಿದ್ದಾನೆ. ಬಂಧಿತನ ಬಳಿ ಅರ್ಧ ಕೆಜಿಗೂ ಹೆಚ್ಚು ಚಿನ್ನ ಪತ್ತೆಯಾಗಿದೆ ಎಂದು ತಿಳಿದು ಬಂದಿದೆ.ಮಹಿಳೆಯರ ಚಪ್ಪಲಿಗಳು ಮತ್ತು ಆಭರಣಗಳ ಹೇರ್‌ಪಿನ್‌, ವೇಲ್‌ಗ‌ಳ ಕುಸುರಿ ಕೆಲಸದ ರೂಪದಲ್ಲಿ ಚಿನ್ನವನ್ನು ಪರಿವರ್ತಿಸಿ ಸಾಗಿಸಿ ಕಣ್ಣೆರಚಲು ಮುಂದಾಗಿದ್ದ. ಇದೀಗ ಬಂಧಿತನ ವಿಚಾರಣೆ ಮುಂದುವರಿದಿದೆ.