ಕುಂದಾಪುರ: ನಿಯಂತ್ರಣ ತಪ್ಪಿ ಮರಕ್ಕೆ ಡಿಕ್ಕಿ ಹೊಡೆದ ಬೈಕ್ - ಬಾಲಕಿ ಸಾವು

•   Mon, Mar 19 2018 10:22:38 AM



• ಕುಂದಾಪುರ, ಮಾ 19: ಬೈಕ್ ನಿಯಂತ್ರಣ ತಪ್ಪಿ ಮರಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ನಲ್ಲಿದ್ದ ಮಗು ದಾರುಣ ಸಾವನ್ನಪ್ಪಿದ ಘಟನೆ ಕುಂದಾಪುರ ತಾಲೂಕಿನ ಶಂಕರನಾರಾಯಣ ಪೇಟೆಯಲ್ಲಿ ಬಾನುವಾರ ಸಂಜೆ ನಡೆದಿದೆ. ಮೃತ ಕಂದಮ್ಮನನ್ನು ಅಂಪಾರು ನಿವಾಸಿ ವಾಸು ಮತ್ತು ವಸಂತಿ ಅವರ ಏಕೈಕ ಪುತ್ರಿ ಸಿಂಚನ (5) ಗುರುತಿಸಲಾಗಿದೆ.

  

  

  ಘಟನೆಯ ವಿವರ : ಸಿಂಚನರವರ ತಾಯಿ ವಸಂತಿರವರ ಅನಾರೋಗ್ಯ ಹಿನ್ನೆಲೆಯಲ್ಲಿ ಅವರ ಪರಿಚಯರಾದ ಹಳ್ಲನಾಡು ನಿವಾಸಿ ಕೃಷ್ಣ ಎಂಬರವರ ಜೊತೆ ಶಂಕರನಾರಾಯಣ ಆಸ್ಪತ್ರೆಗೆ ತೆರಳಿ, ತಾಯಿಗೆ ಔಷದಿ ತೆಗೆದುಕೊಂಡು ಬೈಕ್ ನಲ್ಲಿ ಹಿಂತಿರುಗುತ್ತಿದ್ದ ವೇಳೆ ನಿಯಂತ್ರಣ ತಪ್ಪಿ ಮರಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಮಗು ಸ್ಥಳದಲ್ಲಿ ಮೃತ ಪಟ್ಟಿದ್ದು , ಬೈಕ್ ಸವಾರ ಅಪಾಯದಿಂದ ಪಾರಾಗಿದ್ದಾರೆ. ಮೃತ ಶರೀರವನ್ನು ಕುಂದಾಪುರ ಸರಕಾರಿ ಆಸ್ಪ್ರತ್ರೆಯಲ್ಲಿ ಇರಿಸಲಾಗಿದ್ದು, ಶಂಕರನಾರಾಯಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ