ಮಂಗಳೂರು: ರಾಹುಲ್ ಗಾಂಧಿ ಅಲೆಗೆ ಹಲವರು ಕೊಚ್ಚಿ ಹೋಗಿದ್ದಾರೆ- ಯು.ಟಿ.ಖಾದರ್

•   Thu, Mar 15 2018 05:13:36 PM



• ಮಂಗಳೂರು, ಮಾ 15 : ರಾಹುಲ್ ಗಾಂಧಿ ಅಲೆಗೆ ಅನೇಕರು ಈಗಾಗಲೇ ಕೊಚ್ಚಿ ಹೋಗಿದ್ದು, ಇನ್ನು ಈ ಅಲೆಯಲ್ಲಿ ಯಾರೆಲ್ಲ ಕೊಚ್ಚಿ ಹೋಗಲಿದ್ದಾರೆ ಅನ್ನೋದನ್ನು ಕಾದು ನೋಡಬೇಕು ಎಂದು ಸಚಿವ ಯು.ಟಿ ಖಾದರ್ ಹೇಳಿದ್ದಾರೆ. ನಗರದ ಸರ್ಕ್ಯೂಟ್ ಹೌಸ್ ನಲ್ಲಿ ಪತ್ರಿಕಾಗೋಷ್ಟಿ ನಡೆಸಿ ಮಾತನಾಡಿದ ಅವರು ದಕ್ಷಿಣ ಕನ್ನಡ ಜಿಲ್ಲೆಗೆ ಮಾರ್ಚ್ 21 ರಂದು ರಾಹುಲ್ ಗಾಂಧಿ ಆಗಮಿಸುವ ಹಿನ್ನಲೆಯಲ್ಲಿ ನಗರದಲ್ಲಿ ಬೃಹತ್ ಸಮಾವೇಶ ಆಯೋಜಿಸಲಿದ್ದೇವೆ ಎಂದು ಹೇಳಿದರು. 

  

  

  ಸರ್ಕಾರ ಆರಂಭಿಸಿರುವ ಇಂದಿರಾ ಕ್ಯಾಂಟೀನ್ ಗೆ ಉತ್ತಮ ಪ್ರತಿಕ್ರಿಯೆ ದೊರಕಿದ್ದು, ಮಾ . 23 ರಂದು ಹೋಬಳಿ ಮಟ್ಟದ ಇಂದಿರಾ ಕ್ಯಾಂಟೀನ್ ಆರಂಭಗೊಳ್ಳಲಿದೆ. ಅಲ್ಲದೆ ಎಲ್ಲಾ ಕ್ಯಾಂಟೀನ್ ನಲ್ಲಿ ಇಲೆಕ್ಟ್ರಾನಿಕ್ ತೂಕದ ಮಿಷಿನ್ ಆಳವಡಿಸಲಾಗುದು ಹಾಗೂ ಗುಣಮಟ್ಟದ ಆಹಾರ ವಿತರಣೆಯ ಜತೆ ಸದ್ಯದಲ್ಲೇ ಆಹಾರ ವಿತರಣೆ ಮತ್ತು ಮೆನುವಿನಲ್ಲಿ ಬದಲಾವಣೆ ಮಾಡಲಾಗುವುದು ಎಂದಿದ್ದಾರೆ.