ಡಿ.ಕೆ.ಶಿಗೆ ಕೊರಳಿಗೆ ಸೇಬಿನ ಮಾಲೆ- ಬಳಿಕ ಸೇಬುಹಣ್ಣಿಗಾಗಿ ಕಿತ್ತಾಡಿದ ಕಾರ್ಯಕರ್ತರು..!

•   Thu, Mar 15 2018 03:23:07 PM



• ಮಾ,15: ಹೂವಿನ ಮಾಲೆ, ಹಣದ ಹಾರ ಹಾಕುವುದನ್ನ ಕೇಳಿದ್ದೇವೆ. ಆದರೆ ಇಂಧನ ಸಚಿವ ಡಿ.ಕೆ.ಶಿವಕುಮಾರ್ ಅವರಿಗೆ ನೂರಾರು ಆಪಲ್ ಗಳನ್ನು ಬೃಹತ್ ಹಾರವನ್ನಾಗಿ ಮಾಡಿ ಸನ್ಮಾನ ಮಾಡಲಾಗಿದೆ.

  

  

  ಇದು ನಡೆದಿದ್ದು ಶ್ರೀರಂಗಪಟ್ಟಣ ಕ್ಷೇತ್ರದಲ್ಲಿನ ನಾಯಕರ ಬಂಡಾಯ ಶಮನ ಮಾಡಲು ಸಚಿವರು ಶ್ರೀರಂಗಪಟ್ಟಣ ಕ್ಷೇತ್ರಕ್ಕೆ ಆಗಮಿಸಿದ ವೇಳೆ. ಇನ್ನು ನೆರೆದಿದ್ದವರನ್ನು ಖುಷಿ ಪಡಿಸಲು ಸಚಿವ ಡಿ.ಕೆ.ಶಿ ಕೂಡಾ ಒಂದು ಹೆಜ್ಜೆ ಮುಂದೆ ಹೋಗಿ ಅದೇ ಹಾರದಿಂದ ಸೇಬು ಹಣ್ಣನ್ನು ಕಿತ್ತು ತಿಂದಿದ್ದಾರೆ. ಈ ಬಾರಿಯ ವಿಧಾನಸಭಾ ಟಿಕೆಟ್ ಆಕಾಂಕ್ಷಿಯಾಗಿರುವ ಸಚ್ಚಿದಾನಂದ್ ಅವರು ಈ ಕ್ರೇನ್ ಮೂಲಕ ಹಾರ ಹಾಕಿ ಅದ್ಧೂರಿ ಸ್ವಾಗತದ ಮೂಲಕ ಸಚಿವರನ್ನು ಓಲೈಕೆ ಮಾಡಲು ಮುಂದಾಗಿದ್ದಾರೆ. 1 ಲಕ್ಷದ 60 ಸಾವಿರ ರೂ. ಖರ್ಚು ಮಾಡಿ ಈ ಹಾರ ಹಾಕಿ ತಮ್ಮ ಶಕ್ತಿ ಪದರ್ಶನ ಮಾಡಿದ ಶ್ರೀರಂಗಪಟ್ಟಣ ಕ್ಷೇತ್ರದ ಕಾಂಗ್ರೆಸ್ ಟಿಕೆಟ್ ಆಕಾಂಕ್ಷಿ ಇಂಡವಾಳು ಸಚ್ಚಿದಾನಂದ್ ಒಂದಿಷ್ಟು ಮಂದಿ ಟೀಕಿಸಿದ್ರೆ , ಇನ್ನೊಂದಿಷ್ಟು ಮಂದಿ ಆಹಾ.. ಎಂತಹ ಅಭಿಮಾನ ಎಂದು ಪ್ರಶಂಸೆ ಮಾಡಿದರು.

  ಸಚಿವರಿಗೆ ಹಾರ ಹಾಕಿದ ನಂತರ ಸ್ಥಳದಲ್ಲಿ ನೆರದಿದ್ದ ಕಾರ್ಯಕರ್ತರು ನಮಗೂ ಆಪಲ್ ಕೊಡಿ ಎಂದು ಕಿತ್ತಾಡಿದ ಘಟನೆ ನಡೆಯಿತು.