ಕಾಸರಗೋಡು: ಮತ್ತೆ ನಾಲ್ವರಿಗೆ ಕೊರೊನಾ ಸೋಂಕು

•   Mon, May 11 2020 07:06:06 PM



• ಕಾಸರಗೋಡು, ಮೇ 11 (DaijiworldNews/PY) : ಕಾಸರಗೋಡು ಜಿಲ್ಲೆಯಲ್ಲಿ ಮತ್ತೆ ನಾಲ್ವರಿಗೆ ಸೋಮವಾರ ಕೊರೊನಾ ಸೋಂಕು ಪತ್ತೆಯಾಗಿದೆ.

  

  ಕುಂಬಳೆ ಮೂಲದ 41, 49 ವರ್ಷ ವಯಸ್ಸಿನ ಇಬ್ಬರು ಪುರುಷರು ಹಾಗೂ 61, 51 ವರ್ಷ ವಯಸ್ಸಿನ ಇಬ್ಬರು ವೃದ್ದರಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿದ್ದು, ಇಬ್ಬರು ವೃದ್ದರು ಪೈವಳಿಕೆ ಹಾಗೂ ಮಂಗಲ್ಪಾಡಿಯವರೆಂದು ತಿಳಿದುಬಂದಿದೆ. ಕೆಲವು ದಿನಗಳ ಹಿಂದೆ ಈ ನಾಲ್ವರೂ ಕಾಸರಗೋಡಿಗೆ ಮುಂಬೈಯಿಂದ ವಾಪಾಸ್ಸಾಗಿದ್ದರು ಎನ್ನಲಾಗಿದೆ.

  ವಾರದವರೆಗೂ ಕೊರೊನಾ ವೈರಸ್‌ ಆತಂಕ ಸೃಷ್ಠಿ ಮಾಡಿದ್ದರೂ ಕೂಡಾ ಬಳಿಕ ಕಾಸರಗೋಡನ್ನ ಕೊರೊನಾ ಮುಕ್ತ ಜಿಲ್ಲೆ ಎಂದು ಹೇಳಲಾಗುತ್ತಿತ್ತು. ಆದರೆ, ಮತ್ತೆ ಕೊರೊನಾ ಪಾಸಿಟಿವ್‌ ಪ್ರಕರಣಗಳು ಪತ್ತೆಯಾದ ಕಾರಣ ಕಾಸರಗೋಡು ಜನರಲ್ಲಿ ಆತಂಕ ಮೂಡಿದೆ.