'ನಲಪಾಡ್ ಜಾಮೀನು ಅರ್ಜಿ ವಜಾ’ ಎಂದು ಒಂದು ವಾಕ್ಯದ ತೀರ್ಪು ನೀಡಿದ ಜಡ್ಜ್

•   Wed, Mar 14 2018 03:38:28 PM



•  

  ಬೆಂಗಳೂರು, ಮಾ 14 : ಉದ್ಯಮಿ ಲೋಕನಾಥ ಪುತ್ರ ವಿದ್ವತ್‌ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿ ಜೈಲು ಪಾಲಾಗಿರುವ ನಲಪಾಡ್ ಗೆ ಹೈಕೋರ್ಟ್‌ ನಲ್ಲಿ ಮುಖಭಂಗವಾಗಿದೆ. ಈ ಬಗ್ಗೆ ನ್ಯಾಯಮೂರ್ತಿ ಶ್ರೀನಿವಾಸ್‌ ಹರೀಶ್ ಕುಮಾರ್ ಅವರಿದ್ದ ಏಕಸದಸ್ಯ ನ್ಯಾಯಪೀಠ ಜಾಮೀನು ನಿರಾಕರಿಸಿ ಮಹತ್ವದ ಆದೇಶ ನೀಡಿದ್ದಾರೆ. ನ್ಯಾಯಮೂರ್ತಿ ಎಸ್‌.ಹರೀಶ್‌ ಕುಮಾರ್‌ ಅವರು ' ನಲಪಾಡ್ ಜಾಮೀನು ಅರ್ಜಿ ವಜಾ' ಎಂದು ಕೇವಲ ಒಂದೇ ಒಂದು ವಾಕ್ಯ ದಲ್ಲಿ ತೀರ್ಪು ಪ್ರಕಟಿಸಿದ್ದಾರೆ ಎಂದು ಮಾಧ್ಯಮ ವರದಿ ತಿಳಿಸಿದೆ
  ಇನ್ನು ಪರಪ್ಪನ ಅಗ್ರಹಾರ ಜೈಲಿನ ಟಿವಿ ಹಾಲ್‌ನಲ್ಲಿ ಜಾಮೀನು ಅರ್ಜಿ ವಜಾಗೊಂಡ ವಿಚಾರ ತಿಳಿದು ನಲಪಾಡ್‌ ಕುಸಿದು ಬಿದ್ದಿದ್ದಾನೆ ಎಂದು ತಿಳಿದು ಬಂದಿದೆ.