ಕಾರ್ಕಳ: ಬೈಕ್ ಸವಾರನ ಅತಿಯಾದ ವೇಗ-ರಸ್ತೆಗೆಸೆಯಲ್ಪಟ್ಟು ಸಹಸವಾರೆ ಮೃತ್ಯು

•   Fri, Apr 24 2020 10:35:32 PM



• ಕಾರ್ಕಳ, ಏ 24 (DaijiworldNews/SM): ಬೈಕ್ ನಲ್ಲಿ ತೆರಳುವ ಸಹಸವಾರೆಯೊಬ್ಬರು ರಸ್ತೆಗೆ ಬಿದ್ದು ಮೃತಪಟ್ಟ ಘಟನೆ ನಂದಳಿಕೆ ಗ್ರಾಮದ ಬೈರಬೆಟ್ಟು ನೆಲ್ಲಿಗುಡ್ಡೆ ಎಂಬಲ್ಲಿಗೆ ತೆರಳುವ ಕಾಂಕ್ರೀಟ್ ರಸ್ತೆಯಲ್ಲಿ ನಡೆದಿದೆ.

  

  ಇಲ್ಲಿನ ನಿವಾಸಿ ಅಭಿಷೇಕ್ ತನ್ನ ಸ್ಕೂಟರ್ ನಲ್ಲಿ ಸಹ ಸವಾರಳಾಗಿ ಹರಿಣಾಕ್ಷಿ ಎಂಬವರೊಂದಿಗೆ ಅತಿ ವೇಗ ಹಾಗೂ ಅಜಾಗರುಕತೆಯಿಂದ ಪ್ರಯಾಣಿಸುತ್ತಿದ್ದರು. ಈ ಸಂದರ್ಭದಲ್ಲಿ ಏಕಾಏಕಿ ಬ್ರೇಕ್ ಹಾಕಿದ ಸಂದರ್ಭದಲ್ಲಿ ಸಹಸವಾರೆ ರಸ್ತೆಗೆ ಎಸೆಯಲ್ಪಟ್ಟಿದ್ದಾರೆ.

  ಪರಿಣಾಮ ಸಹ ಸವಾರೆಯಾಗಿದ್ದ ಹರಿಣಾಕ್ಷಿ ರಸ್ತೆಯ ಎಡ ಭಾಗಕ್ಕೆ ಆಯತಪ್ಪಿ ಬಿದ್ದು ಗಂಭೀರ ಗಾಯಗೊಂಡಿದ್ದರು. ಗಾಯಾಳುವನ್ನು ಮಣಿಪಾಲ ಕೆ.ಎಂ.ಸಿ ಆಸ್ಪತ್ರೆಗೆ ರವಾನಿಸಲಾಗಿದೆ. ಆದರೆ ಚಿಕಿತ್ಸೆಗೆ ಸ್ಪಂಧಿಸದೆ ಅವರು ಮೃತಪಟ್ಟಿರುವುದಾಗಿ ತಿಳಿದುಬಂದಿದೆ.

  ಘಟನೆಯ ಕುರಿತಂತೆ ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.