ಮಂಗಳೂರು: 'ವಿದ್ಯಾವಂತ ಶಾಸಕರ ಶವ ರಾಜಕೀಯ ಲೆಕ್ಕಾಚಾರ ಖಂಡನೀಯ'- ಯು.ಟಿ ಖಾದರ್

•   Fri, Apr 24 2020 01:44:44 PM



• ಮಂಗಳೂರು: ಏ 24(Daijiworld News/MSP): ಕೊರೊನಾ ಸೋಂಕಿನಿಂದ ಗುರುವಾರ ಮೃತಪಟ್ಟ ಬಂಟ್ವಾಳ್ದ ವೃದ್ದೆಯ ಶವಸಂಸ್ಕಾರಕ್ಕೆ ಹಲವೆಡೆ ಸ್ಥಳೀಯರು ಸೇರಿದಂತೆ ಶಾಸಕರು ಕೂಡಾ ವಿರೋಧಿಸಿದ್ದು, ಇದನ್ನು ತೀವ್ರವಾಗಿ ಖಂಡಿಸಿರುವ ಶಾಸಕ ಯು.ಟಿ ಖಾದರ್ , ಉಸ್ತುವಾರಿ ಸಚಿವರು ದಿನಕ್ಕೆರಡು ಬಾರಿ ಮಿಟೀಂಗ್ ಮಾಡುತ್ತಾರೆಯೇ ವಿನಾಃ ಕೋವಿಡ್ ಪೀಡಿತರ ಶವ ಸಂಸ್ಕಾರಕ್ಕೆ ಸಮರ್ಪಕ ವ್ಯವಸ್ಥೆ ಮಾಡದೇ ಸಂಪೂರ್ಣ ವಿಫಲರಾಗಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

  

  ಅದರೆ ದಕ್ಷಿಣ ಕನ್ನಡ ಜಿಲ್ಲೆಯ ವಿದ್ಯಾವಂತ ಶಾಸಕರು ಸಾವಿನಲ್ಲೂ ಲೆಕ್ಕಾಚಾರ ಹಾಕಿರುವುದು ಸರಿಯಲ್ಲ. ಧರ್ಮ ಯಾವುದೇ ಇರಲಿ ಸಾವು ಸಂಭವಿಸಿದಾಗ ನಾವು ಗೌರವದಿಂದ ಬಿಳ್ಕೊಡಬೇಕೇ ವಿನಹ ದಾರಿಯಲ್ಲಿ ಶವ ನಿಲ್ಲಿಸಿ ರಾಜಕೀಯ ಮಾಡುವುದು ಸಲ್ಲ.ಅದು ನಮ್ಮ ಸಂಸ್ಜೃತಿಯೂ ಅಲ್ಲ (3) @CMofKarnataka @sriramulubjp @mla_sudhakar @bharathshetty_y

  — UT Khadér (@utkhader) April 24, 2020

  ಕಳೆದ ಒಂದು ತಿಂಗಳಿನಿಂದ ದಿನಕ್ಕೆರಡು ಬಾರಿ ಸಭೆ ನಡೆಸುವ ಜಿಲ್ಲಾ ಉಸ್ತುವಾರಿ ಮಂತ್ರಿಗಳು, ಸ್ಥಳಿಯ ಸಂಸದರು,ಶಾಸಕರು ಕೋವಿಡ್ ಪೀಡಿತರ ಶವ ಸಂಸ್ಕಾರದ ವ್ಯವಸ್ಥೆ ಮಾಡಲೂ ವಿಫಲರಾಗಿರುವುದಕ್ಕೆ ಉತ್ತರಿಸುವಿರಾ? ಇಂದು DK ದಲ್ಲಿ ನಡೆದ ಘಟನೆ ರಾಜ್ಯದ ಇತರ ಭಾಗದಲ್ಲಿ ನಡೆಯೋ ಮುನ್ನ ಆರೋಗ್ಯ ಹಾಗೂ ಕಂದಾಯ ಸಚಿವರು ಎಚ್ಚೆತ್ತುಕೊಳ್ಳುವುದು ಒಳಿತು (4)

  — UT Khadér (@utkhader) April 24, 2020

  ಜಿಲ್ಲಾಡಳಿತ ಹಾಗೂ ಶಾಸಕರು ಸಂಸದರು ಅಧಿಕಾರಿಗಳು ಸಭೆಗಳಲ್ಲೆ ಕಾಲ ಕಳೆಯುತ್ತಿದೆಯೇ ಹೊರತು ಯಾವುದೇ ಗಂಭೀರ ಕ್ರಮಗಳನ್ನು ಕೈಗೊಳ್ಳುತ್ತಿಲ್ಲ. ಪ್ರಾಥಮಿಕ ಹಂತದಲ್ಲಿ ಯಾವ ರೀತಿ ಮೀಟಿಂಗ್ ನಡೆಸಬೇಕಾಗಿತ್ತೋ ಅದೇ ರೀತಿಯ ಮೀಟಿಂಗ್ ಈಗಲೂ ಮಾಡುತ್ತಿದೆ. ಕೊರೊನಾ ಸಂಭಂದಿ ಆರೋಗ್ಯಕರ ಚರ್ಚೆ ಅಗತ್ಯತೆ ಇದೆ.

  ಇನ್ನೂ ಇಲ್ಲಿ ನಡೆಯುವ ಚರ್ಚೆಯಲ್ಲಿ ಶಾಸಕರು ಕೇವಲ ಅಂಗಡಿ, ಮೀನು, ರಸ್ತೆ ಇನ್ನಿತರ ಸಮಸ್ಯೆಗಳ ಬಗ್ಗೆ ಚರ್ಚೆ ಮಾಡ್ತಾರೆ.ಕೊರೊನಾ ನಿರ್ವಹಣೆಯಲ್ಲಿ ಜಿಲ್ಲಾಡಳಿತ ಸಂಪೂರ್ಣ ಸೋತಿದೆ ಎಂದು ಖಾದರ್ ಆರೋಪಿಸಿದ್ದಾರೆ.

  ಸಾರ್ವಜನಿಕರನ್ನು ಮೂವತ್ತೈದು ದಿನ ಮನೆಯಲ್ಲಿ ಇರಿ ಅಂದರೆ ಸಾಲದು.ಆರೋಗ್ಯ ಸಂಬಂಧಿ ಮುಂದಿನ ಕ್ರಮ ಯಾವ ರೀತಿ ಕೈಗೊಂಡಿದ್ದಾರೆ ಎಂಬುದರ ಚರ್ಚೆಯ ಅಗತ್ಯತೆ ಇದೆ. ಇನ್ನೊಂದೆಡೆ ಜಿಲ್ಲೆಯಲ್ಲಿ ಕೊರೊನಾ ತಾಂಡವವಾಡುತ್ತಿದ್ದರೂ ಜಿಲ್ಲಾಡಳಿತವು ಇನ್ನೂ ಎಚ್ಚೆತ್ತುಕೊಂಡಿಲ್ಲ. ಜಿಲ್ಲಾಡಳಿತ ದೂರದೃಷ್ಟಿಯ ಕೊರತೆಯಿಂದ ಬಳಲುತ್ತಿದೆ. ಕೋವಿಡ್ ಪೀಡಿತರ ಶವ ಸಂಸ್ಕಾರದ ವೇಳೇ ಜನರಿಗೆ ಆತಂಕವಾಗೋದು ಸಹಜ. ಆದರೆ ಜಿಲ್ಲಾಡಳಿತವು ಜನರಲ್ಲಿ ಸೂಕ್ತ ರೀತಿಯ ತಿಳಿವಳಿಕೆ ಮೂಡಿಸಬೇಕಿತ್ತು. ನಾನು ಆರೋಗ್ಯ ಸಚಿವನಾಗಿದ್ದಾಗ ಶ್ರದ್ಧಾಂಜಲಿ ಹೆಸರಿನ ಆಂಬುಲೆನ್ಸ್ ಅನ್ನು ಪ್ರತಿ ಜಿಲ್ಲೆಗೊಂದರಂತೆ ಕೊಡಿಸಿದ್ದೆ. ಅದಕ್ಕೆ ಚಾಲಕನನ್ನು ನೇಮಿಸಿ ನಿರ್ವಹಿಸುವ ಕೆಲಸವನ್ನು ಬಳಿಕ ಬಂದಿರುವ ಸರಕಾರ ಮಾಡಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

   

  ಅದರಲ್ಲೂ ಶಾಸಕರುಗಳೇ ಮುಂದೆ ನಿಂತು ಶವ ಸಂಸ್ಕಾರಕ್ಕೂ ಅನುಮತಿ ನೀಡದೇ ಇರೋದು ನಿಜಕ್ಕೂ ಖಂಡನೀಯ.ಇಂತಹ ಪರಿಸ್ಥಿತಿಯಲ್ಲಿ ಜನ ಭಯಬಿದ್ದು ಪ್ರತಿಭಟಿಸುವುದು ಸಾಮಾನ್ಯ. ಆದರೆ ಘಟನೆಯ ವಿವರದ ಜತೆ ಸಮಸ್ಯೆಯ ವೈಜ್ಙಾನಿಕ ಪರಿಹಾರ ನೀಡಿ ಜನರನ್ನ ಜಾಗೃತಗೊಳಿಸುವುದು ಶಾಸಕರ ಕರ್ತವ್ಯ (2) @CMofKarnataka @mla_sudhakar @bharathshetty_y

  — UT Khadér (@utkhader) April 24, 2020

  ಮೃತ ಶರೀರದೊಂದಿಗೆ ಅಮಾನವೀಯವಾಗಿ ವರ್ತಿಸುವುದು ಪೈಶಾಚಿಕ.ನಮ್ಮ ಜಿಲ್ಲೆಯಲ್ಲಿ ನಿನ್ನೆ ನಡೆದ ಅಮಾನವೀಯ ಘಟನೆ ನಿಜಕ್ಕೂ ದುಖಕರ. ನಿನ್ನೆ ಕೋವಿಡ್ ನಿಂದ ಮೃತಪಟ್ಟ ತಾಯಿಯ ಶವ ಸಂಸ್ಕಾರಕ್ಕೆ ರಾತ್ರಿಯಿಡಿ ಪರದಾಡುವಂತಾಗಿರುವುದು ನಾಗರೀಕ ಸಮಾಜ ತಲೆತಗ್ಗಿಸುವಂತಹದ್ದು (1)@CMofKarnataka @bharathshetty_y@sriramulubjp @mla_sudhakar

  — UT Khadér (@utkhader) April 24, 2020