ಬಂಟ್ವಾಳ: ಮೃತ ಮಹಿಳೆಯ ಅತ್ತೆಗೆ ಐಸಿಯುಗೆ ದಾಖಲು-ಪತಿ, ಮಗನ ಮೇಲೆ ತೀವ್ರ ನಿಗಾ

•   Sun, Apr 19 2020 07:50:41 PM



• ಬಂಟ್ವಾಳ, ಏ 19(DaijiworldNews/SM): ಕೊರೊನಾ ಸೊಂಕಿಗೆ ಬಲಿಯಾದ ಮಹಿಳೆಯ ಕುಟುಂಬದ ಮೇಲೆ ತೀವ್ರ ನಿಗಾ ಇರಿಸಲಾಗಿದ್ದು, ಅನಾರೋಗ್ಯ ಹಿನ್ನೆಲೆಯಲ್ಲಿ ಮೃತರ ಅತ್ತೆಯನ್ನು ಐಸಿಯುಗೆ ದಾಖಲಿಸಲಾಗಿದೆ. ಅವರೊಂದಿಗೆ ಮಹಿಳೆಯ ಪತಿ ಹಾಗೂ ವಿದೇಶದಿಂದ ಬಂದಿದ್ದ ಮಗನನ್ನು ಕೂಡ ಕ್ವಾರಂಟೈನ್ ಗೆ ಒಳಪಡಿಸಲಾಗಿದೆ.

  

  ಮೃತ ಮಹಿಳೆ 50 ವರ್ಷದವರಾಗಿದ್ದಾರೆ. ಅವರ ಅತ್ತೆ ಮತ್ತಷ್ಟು ಹಿರಿಯರಾಗಿದ್ದಾರೆ. ರೋಗ ನಿರೋಧಕ ಶಕ್ತಿ ಕಡಿಮೆಯಿತುವ ಹಿನ್ನೆಲೆಯಲ್ಲಿ ಅವರನ್ನು ಐಸಿಯುವಿನಲ್ಲಿ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಇನ್ನು ಮಹಿಳೆಯೊಂದಿಗಿದ್ದ ಅವರ ಪತಿ ಹಾಗೂ ಪುತ್ರನನ್ನು ಕೂಡ ಆಸ್ಪತ್ರೆಗೆ ದಾಖಲಿಸಿ ತೀವ್ರ ನಿಗಾದಲ್ಲಿಡಲಾಗಿದ್ದು, ಅವರ ಗಂಟಲು ದ್ರವವನ್ನು ಸಂಗ್ರಹಿಸಿ ಪರೀಕ್ಷೆಗೆ ರವಾನಿಸಲಾಗಿದೆ. ಪರೀಕ್ಷಾ ವರದಿ ಬಂದ ಬಳಿಕ ಜಿಲ್ಲೆಯಲ್ಲಿರುವ ಆತಂಕಕ್ಕೆ ಉತ್ತರ ಸಿಗಲಿದೆ.