ಕಾಸರಗೋಡು,ಮಾ 05 : ನಾಲ್ಕು ದಿನಗಳ ಹಿಂದೆ ನಿಗೂಢವಾಗಿ ನಾಪತ್ತೆಯಾಗಿದ್ದ ವಿದ್ಯಾರ್ಥಿಯ ಮೃತದೇಹ ಉದುಮ ಕಳ್ನಾಡ್ ಓವರ್ ಬ್ರಿಡ್ಜ್ ಸಮೀಪದ ಚರಂಡಿಯಲ್ಲಿ ಪತ್ತೆಯಾಗಿದೆ. ಮಾಂಗಾಡ್ ನ ಜಾಫರ್ ರವರ ಪುತ್ರ ಜಾಶೀರ್ (15) ಮೃತಪಟ್ಟ ವಿದ್ಯಾರ್ಥಿ
ಚಟ್ಟಂಚಾಲ್ ಶಾಲೆಯ ಹತ್ತನೇ ತರಗತಿ ವಿದ್ಯಾರ್ಥಿಯಾಗಿದ್ದ ಜಾಶೀರ್ ಮಾ 01 ರ ಗುರುವಾರ ಸಂಜೆಯಿಂದ ನಾಪತ್ತೆಯಾಗಿದ್ದನು . ಈ ಕುರಿತು ಬೇಕಲ ಠಾಣಾ ಪೊಲೀಸರಿಗೂ ದೂರು ನೀಡಲಾಗಿತ್ತು . ಮನೆಯವರು, ಕುಟುಂಬಸ್ಥರು ಮತ್ತು ನಾಗರಿಕರು ಕಳೆದ ನಾಲ್ಕು ದಿನಗಳಿಂದ ಬಾಲಕನಿಗಾಗಿ ಶೋಧ ನಡೆಸುತ್ತಿದ್ದರು ಶಾಲೆಯಲ್ಲಿ ನಡೆಯಲಿರುವ ಬೀಳ್ಕೊಡುಗೆ ಹಿನ್ನಲೆಯಲ್ಲಿ ಹೊಸ ವಸ್ತ್ರ ಖರೀದಿಗೆ ಗುರುವಾರ ಸಂಜೆ ಮನೆಯಿಂದ ಪೇಟೆಗೆಂದು ತೆರಳಿದ್ದ ಜಾಶೀರ್ ನಾಪತ್ತೆಯಾಗಿದ್ದನು.
ಈ ನಡುವೆ ಕೊಳೆತ ಸ್ಥಿತಿಯಲ್ಲಿ ಇಂದು ಮುಂಜಾನೆ ಮೃತದೇಹ ಪತ್ತೆಯಾಗಿದ್ದು , ಕೊಲೆಯೇ ಅಥವಾ ಸಾವಿಗೆ ಇನ್ಯಾವುದೇ ಕಾರಣ ವಿರಬಹುದೇ ಎಂಬ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
.jpg)
.jpg)
ಚಾನಲ್ ಫಾಲೋ ಮಾಡಿ
