ಮಾ. 6 ರಂದು ಪ್ರಜಾಕೀಯದ ಮುಂದಿನ ನಡೆ ಬಹಿರಂಗ - ಉಪ್ಪಿ ಟ್ವೀಟ್

•   Sun, Mar 04 2018 01:44:43 PM



•  

  ಕರ್ನಾಟಕದಲ್ಲೂ ವಿಧಾನಸಭೆ ಚುನಾವಣೆ ಹತ್ತಿರ ಬರುತ್ತಿದ್ದಂತೆಯೇ ನಾನಾ ಕಸರತ್ತು ಮಾಡುತ್ತಿವೆ ರಾಜಕೀಯ ಪಕ್ಷಗಳು. ಯಾತ್ರೆಗಳಲ್ಲಿ, ಮತದಾರರ ಒಲೈಕೆಯಲ್ಲಿ ಬ್ಯುಸಿಯಾಗಿದ್ದಾಗ ಹಲವು ಪಕ್ಷಗಳ ನಡುವೆ ಪ್ರಜಾಕೀಯ ಪಕ್ಷ ಘೋಷಣೆ ಮಾಡಿದಂತೆ ಕಳೆದು ಹೋಯಿತೆ ? ಎಂದು ಅನುಮಾನಗಳು ಕಾಡಲಾರಂಭಿಸಿತ್ತು. ಆದರೆ ಪ್ರಜಾಕೀಯ ಪಕ್ಷ ಬಹಳ ಸೈಲೆಂಟ್ ಆಗಿ ಕೆಲಸ ಮಾಡುತ್ತಿರುವಂತೆ ಕಾಣುತ್ತದೆ. ಕಾರಣ ನಟ ಉಪೇಂದ್ರ ಟ್ವಿಟರ್​ನಲ್ಲಿ ಪಕ್ಷ ಬಹುದೊಡ್ಡ ಹೆಜ್ಜೆ ಇಡುವ ಮುನ್ಸೂಚನೆ ನೀಡಿದ್ದಾರೆ.

  

  ಹೌದು ಈವರೆಗೂ ಮೌನ ವಹಿಸಿದ್ದ ನಟ ಉಪೇಂದ್ರ ನೇತೃತ್ವದ ಪ್ರಜಾಕೀಯ ಪಕ್ಷ ಟ್ವಿಟರ್​ ಮೂಲಕ ತಾವೂ ಮಹತ್ವದ ಹೆಜ್ಜೆಯನ್ನಿರಿಸುವ ಸುಳಿವು ನೀಡಿದ್ದಾರೆ. ಆದರೆ ಅವರೇನು ಮಾಡಲಿದ್ದಾರೆ ಎಂಬುವುದು ಇನ್ನೂ ತಿಳಿದು ಬಂದಿಲ್ಲ. ಈ ಕುರಿತಾಗಿ ತಮ್ಮ ಟ್ವಿಟರ್ ಪೇಜ್​ನಲ್ಲಿ ಬರೆದುಕೊಂಡಿರುವ ಉಪ್ಪಿ "ಪ್ರಜಾಕೀಯ ಮತ್ತು ರಾಜಕೀಯದ ಬಹು ದೊಡ್ಡ ಪರೀಕ್ಷೆ ಇದೇ ತಿಂಗಳು 6 ನೇ ತಾರೀಖು ಬಹಿರಂಗ ಆಗುತ್ತದೆ ದಯವಿಟ್ಟು ಕಾದು ನೋಡಿ" ಬರೆದುಕೊಂಡಿದ್ದಾರೆ.