ಕಾಸರಗೋಡು: ಕೊಳವೆ ಬಾವಿ ಕೊರೆಯುವ ಯಂತ್ರ ಹೊಂದಿದ್ದ ಲಾರಿ ಪಲ್ಟಿ – 2 ಮನೆಗಳಿಗೆ ಹಾನಿ

•   Fri, Mar 02 2018 12:10:03 PM



• ಕಾಸರಗೋಡು, ಮಾ 2: ಕೊಳವೆ ಬಾವಿ ಕೊರೆಯುವ ಯಂತ್ರ ಹೊಂದಿದ್ದ ಲಾರಿ ರಸ್ತೆ ಬದಿಯ ಎರಡು ಮನೆಗಳ ಮೇಲೆ ಮಗುಚಿ ಬಿದ್ದ ಘಟನೆ ಪೊಯಿನಾಚಿಯ ಬಾರ ಎಂಬಲ್ಲಿ ನಡೆದಿದೆ.

  

  ಕೊಳವೆ ಬಾವಿ ಕೊರೆಯುವ ಯಂತ್ರ ಹೊಂದಿದ್ದ ಲಾರಿ ಪಲ್ಟಿಯಾದ ಪರಿಣಾಮ ಎರಡು ಮನೆಗಳಿಗೆ ಹಾನಿ ಉಂಟಾಗಿದೆ. ಮನೆಯ ಸದಸ್ಯರು ಈ ಸಂದರ್ಭ ಹೊರಗಡೆ ಇದ್ದುದರಿಂದ ಅಪಾಯ ತಪ್ಪಿದೆ. ಮಗುಚಿ ಬಿದ್ದ ಲಾರಿಯಡಿಯಲ್ಲಿ ಸಿಲುಕಿದ ಚಾಲಕನನ್ನು ನಾಗರಿಕರು ಹರಸಾಹಸಪಟ್ಟು ಹೊರ ತೆಗೆದು ರಕ್ಷಿಸಿದ್ದಾರೆ.

  ಅಬೂಬಕ್ಕರ್ ಮತ್ತು ಸರೋಜಿನಿ ಎಂಬುವವರ ಮನೆಗೆ ಹಾನಿ ಉಂಟಾಗಿದೆ ಎಂದು ತಿಳಿದುಬಂದಿದೆ.