ಕಂಚಿ ಸ್ವಾಮೀಜಿ ಸಂಕಷ್ಟದಲ್ಲಿದ್ದಾಗ ಸ್ಪಂದಿಸದವರು ಈಗ ಮೊಸಳೆ ಕಣ್ಣೀರು ಸುರಿಸುತ್ತಿದ್ದಾರೆ- ಮುತಾಲಿಕ್

•   Thu, Mar 01 2018 04:11:24 PM



• ಮಂಗಳೂರು, ಮಾ 01 : ಕಾಂಚಿಪುರಂ ಶಂಕರ ಮಠಾಧಿಪತಿ ಜಯೇಂದ್ರ ಸರಸ್ವತಿ ಅವರ ನಿಧನಕ್ಕೆ ಇದೀಗ ಕಣ್ಣೀರು ಸುರಿಸುತ್ತಿರುವ ಕೆಲವು ಸ್ವಾಮೀಜಿಗಳ ವಿರುದ್ಧ ಶ್ರೀರಾಮ ಸೇನೆ ಸಂಸ್ಥಾಪಕ ಪ್ರಮೋದ್ ಮುತಾಲಿಕ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಳ್ಳುವ ಹಿನ್ನೆಲೆಯಲ್ಲಿ ಇಂದು ಬೆಳಿಗ್ಗೆ ಮಂಗಳೂರಿಗೆ ಆಗಮಿಸಿದ ಮುತಾಲಿಕ್, ಕಂಚಿಶ್ರೀ ದೇಹಾಂತ್ಯಕ್ಕೆ ಕೆಲವು ಸ್ವಾಮೀಜಿಗಳು, ಗಣ್ಯರು ಶ್ರದ್ಧಾಂಜಲಿ ಅರ್ಪಿಸಿ ಕಣ್ಣೀರು ಇಡುತ್ತಿದ್ದಾರೆ. ಆದರೆ ಶ್ರೀಗಳು ಕಷ್ಟದಲ್ಲಿದ್ದಾಗ ಸ್ಪಂದನೆ ನೀಡದ ಇವರೆಲ್ಲರೂ ಒಂದೇ ಒಂದು ಶಬ್ದವನ್ನೂ ಅವರ ಬಗ್ಗೆ ಮಾತನಾಡಿಲ್ಲ. ಅವರ ಬಂಧನವಾದಾಗ ಇವರ್‍ಯಾರು ಬೀದಿಗಿಳಿದು ಹೋರಾಟ ಮಾಡಿಲ್ಲ. ಕಂಚಿಶ್ರೀಗಳನ್ನು ಪೊಲೀಸರು ರಾತ್ರಿ 12ಗಂಟೆಗೆ ಅನಾಮತ್ತಾಗಿ ಎತ್ತಿ ಬಂಧನ ಮಾಡಿದ ಸಂದರ್ಭದಲ್ಲಿ ಇವರೇನೂ ಮಾತನಾಡಿಲ್ಲ. ಆದರೆ ಇದೀಗ ಇವರು ಕಣ್ಣೀರು ಹಾಕೋದು ಇವರ ಢೋಂಗಿತನವನ್ನು ತೋರಿಸಿದೆ. ಇದನ್ನು ನಾನು ಖಂಡಿಸುತ್ತೇನೆ ಎಂದು ಮುತಾಲಿಕ್ ಕೆಲವು ಸ್ವಾಮೀಜಿಗಳ ವಿರುದ್ಧ ಕಿಡಿ ಕಾರಿದ್ದಾರೆ.