ಮಂಗಳೂರು: ಚರ್ಚೆಗೆ ಗ್ರಾಸವಾಗುತ್ತಿದೆ ಇಲ್ಯಾಸ್ ಹಂತಕರ ಪೋಟೊ

•   Thu, Mar 01 2018 12:25:26 PM



• ಮಂಗಳೂರು, ಫೆ : ರೌಡಿ ಶೀಟರ್ ಆಗಿದ್ದ ಇಲ್ಯಾಸ್ ಕೊಲೆ ಪ್ರಕರಣದ ಆರೋಪಿಗಳು ಸಚಿವ ಯು.ಟಿ ಖಾದರ್ ಜತೆ ತೆಗೆಸಿಕೊಂಡಿರುವ ಪೋಟೋ ಇದೀಗ ವೈರಲ್ ಆಗಿದ್ದು, ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಟಾರ್ಗೆಟ್ ಗ್ರೂಪ್ ನಲ್ಲಿದ್ದ ಇಲ್ಯಾಸ್ ಯುವ ಕಾಂಗ್ರೆಸ್ ನಲ್ಲೂ ಗುರುತಿಸಿಕೊಂಡಿದ್ದ ಈ ಹಿಂದೆ ಟಾರ್ಗೆಟ್ ಗ್ರೂಪ್ ನಲ್ಲಿ ಜತೆಯಾಗಿದ್ದ ದಾವೂದ್ , ನಾಸಿರ್ ಹಾಗೂ ರಿಯಾದ್ ಇಲ್ಯಾಸ್ ಕೊಲೆ ಆರೋಪದಲ್ಲಿ ಬಂಧನಕ್ಕೊಳಗಾಗಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿ ಈವರೆಗೆ ಒಟ್ಟು ಐವರನ್ನು ಪೊಲೀಸರು ಬಂಧಿಸಿದ್ದಾರೆ. 

  

  ಇನ್ನು ಈ ಪೋಟೋದಲ್ಲಿ ಇಲ್ಯಾಸ್ ಕೊಲೆ ಆರೋಪಿಗಳ ಪೈಕಿ ಟಿ ಶರ್ಟ್ ಧರಿಸಿದವ ಶಮೀರ್ , ಕೊನೆಯಲ್ಲಿ ನಿಂತವನು ದಾವೂದ್ ಹಾಗೂ ಕೆಂಪು ಜರ್ಕಿನ್ ಧರಿಸಿದ ನಾಚಿ ಯಾನೆ ನಾಸಿರ್ .ಸದ್ಯ ಈ ಪೋಟೋ ಮೊಬೈಲ್ ಗಳಲ್ಲಿ ಹರಿದಾಡುತ್ತಿದ್ದು ತೀವ್ರ ಚರ್ಚೆಗೆ ಗ್ರಾಸವಾಗಿದೆ.
  ಇನ್ನು ಈ ಬಗ್ಗೆ ಸಚಿವ ಖಾದರ್ ಸ್ಪಷ್ಟನೆ ನೀಡಿದ್ದು ಸಚಿವರ ಜತೆ ಪೋಟೋ ತೆಗೆದುಕೊಳ್ಳುವುದು ಸಾಮಾನ್ಯ ಸಂಗತಿ, ಆದರೆ ಅವರಿಗೆ ಕ್ರಿಮಿನಲ್ ಬ್ಯಾಕ್ ಗ್ರಾಂಡ್ ಇದ್ದರೆ ನಾವು ಜವಬ್ದಾರರಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.