'ಶ್ರೀದೇವಿ ಇಲ್ಲದ ನಮ್ಮ ಜೀವನ ಇನ್ನು ಎಂದೆಂದೂ ಮೊದಲಿನಂತಾಗುವುದಿಲ್ಲ'- ಬೋನಿ ಕಪೂರ್ ದುಃಖತಪ್ತ ಟ್ವೀಟ್

•   Thu, Mar 01 2018 10:58:57 AM



• ಪಂಚಭೂತಗಳಲ್ಲಿ ಲೀನವಾದ ಶ್ರೀ ದೇವಿಯ ಅಂತ್ಯಕ್ರಿಯೆಯ ಬಳಿಕ ಶ್ರೀದೇವಿ ಬೋನಿ ಕಪೂರ್ ಮೊದಲ ಬಾರಿಗೆ ತಮ್ಮ ಪತ್ನಿಯ ಬಗ್ಗೆ ದುಃಖ ತಪ್ತರಾಗಿಯೇ ಟ್ವೀಟ್ ಮಾಡಿದ್ದಾರೆ. ಅಂತಿಮ ವಿಧಿವಿಧಾನ ನಂತರ ಮಾಡಿದ ಟ್ವೀಟ್ ಶ್ರೀದೇವಿ ಕಳೆದುಕೊಂಡ ಬಗ್ಗೆ ಮಾತಿನಲ್ಲಿ ಹೇಳಲು ಸಾಧ್ಯವಿಲ್ಲ ಎಂದಿದ್ದಾರೆ. ಆ ಟ್ವೀಟ್ ನ ಸಾರಂಶ ಇಂತಿದೆ.

  

   

  ಕುಟುಂಬಸ್ಥರು, ಸ್ನೇಹಿತರು, ಹಿತೈಷಿಗಳು ಮತ್ತು ಶ್ರೀದೇವಿಯ ಅಸಂಖ್ಯಾತ ಅಭಿಮಾನಿಗಳಿಗೆ ಕೃತಜ್ಞತೆ ಸಲ್ಲಿಸುತ್ತೇನೆ. ನನ್ನ, ಮಗಳು ಜಾಹ್ನವಿ ಹಾಗೂ ಖುಷಿಗೆ ಅರ್ಜುನ್ ಕಪೂರ್ ಹಾಗೂ ಅನ್ಶುಲಾ ಬೆಂಬಲಿಕ್ಕೆ ನಿಂತಿದ್ದರು. ನಮ್ಮ ಕುಟುಂಬಕ್ಕೆ ತುಂಬಲಾರದ ನಷ್ಟವಾಗಿದೆ. ಶ್ರೀದೇವಿ ಹೊರಪ್ರಪಂಚಕ್ಕೆ ಚಾಂದಿನಿ ಆಗಿದ್ದಳು. ಆದರೆ ಅವಳು ನನ್ನ ’ಪ್ರೀತಿ’, ನನ್ನ ಗೆಳತಿ , ನನ್ನ ಜೀವನದ ಜೊತೆಗಾತಿಯಾಗಿದ್ದಳು. ನನ್ನ ಇಬ್ಬರು ಹೆಣ್ಣುಮಕ್ಕಳಿಗೆ ತಾಯಿಯಾಗಿ, ಅವಳೇ ನಮ್ಮ ಪ್ರಪಂಚವಾಗಿದ್ದಳು
  .ನನ್ನ ಪತ್ನಿ, ಜಾಹ್ನವಿ ಹಾಗೂ ಖುಷಿ ತಾಯಿಗೆ ನಾನು ಅಂತಿಮ ನಮನ ಸಲ್ಲಿಸುತ್ತಾ ಅಭಿಮಾನಿಗಳ ಹತ್ತಿರ ನಾನು ಒಂದು ವಿನಂತಿ ಸಲ್ಲಿಸುತ್ತೇನೆ, ನಮ್ಮ ನೋವನ್ನು ಖಾಸಗಿಯಾಗಿ ಇರಲು ಬಿಡಿ. ನಿಮಗೆ ಶ್ರೀದೇವಿ ಒಂದು ಸಿಹಿ ನೆನಪಾಗಿ ಉಳಿಯಲಿ.
  ಆಕೆಯ ಜಾಗವನ್ನು ಯಾರಿಂದಲೂ ತುಂಬಲೂ ಅಸಾಧ್ಯ, ಆಕೆ ಮಿನುಗುವ ತಾರೆ ಹಾಗಾಗಿ ಆಕೆಯ ಮೇಲೆ ಎಂದೂ ಪರದೆ ಬೀಳುವುದಿಲ್ಲ ಆಕೆ ಮಿನುಗುವಿಕೆ ನಿರಂತರ. ನನ್ನ ಮಕ್ಕಳು ಶ್ರೀ ದೇವಿ ಇಲ್ಲದೇ ಹೇಗಿರುತ್ತಾರೆಂದು ತಿಳಿಯದಾಗಿದೆ. ಆಕೆ ನಮ್ಮ ಜೀವನ ಹಾಗೂ ನಮ್ಮ ಧೈರ್ಯ ಹಾಗೂ ನಗುವಿನ ಕಾರಣವಾಗಿದ್ದಳು. 
         ಮೈ ಲವ್, ನಿನ್ನ ಆತ್ಮಕ್ಕೆ ಶಾಂತಿ ಸಿಗಲಿ. ನಮ್ಮ ಜೀವನ ಇನ್ನು ಮೊದಲಿನಂತೆ ಆಗುವುದಿಲ್ಲ
                                                                                               - ಬೋನಿ ಕಪೂರ್