ಪಡುಬಿದ್ರಿ: ರೌಡಿ ನವೀನ್ ಡಿ ಸೋಜಾ ಹತ್ಯೆ

•   Thu, Mar 01 2018 10:16:12 AM



• 
  ಪಡುಬಿದ್ರಿ, ಮಾ 1: ರೌಡಿಯೊರ್ವನನ್ನು ನಾಲ್ಕು ಜನರ ತಂಡ ಕಡಿದು ಕೊಲೆಗೈದ ಘಟನೆ ಪಡುಬಿದ್ರಿ ಠಾಣಾ ವ್ಯಾಪ್ತಿಯ ಕಾಂಜರಕಟ್ಟೆ ಎಂಬಲ್ಲಿ ಸಂಭವಿಸಿದೆ.

  

  ಮೃತ ವ್ಯಕ್ತಿಯನ್ನು ಕಾಂಜರ ಕಟ್ಟೆ ನಿವಾಸಿ ನವೀನ್ ಡಿಸೋಜ ಎಂದು ಗುರುತಿಸಲಾಗಿದೆ. ನಿನ್ನೆ ರಾತ್ರಿ ಕಾಂಜರ ಕಟ್ಟೆಯ ಬಾರೊಂದರಲ್ಲಿ ಕುಡಿದು, ಬೈಕಿನಲ್ಲಿ ಹೊರಡಲು ಅಣಿಯಾಗುತ್ತಿದ್ದಂತೆ ಸ್ವಿಪ್ಟ್ ಕಾರಿನಲ್ಲಿ ಬಂದಿದ್ದ ದುಷ್ಕರ್ಮಿಗಳ ತಂಡ ನವೀನ್ ನ ಮೇಲೆರಗಿ ತಲವಾರಿನಿಂದ ಕಡಿದು ಹತ್ಯೆ ಮಾಡಿ ಪರಾರಿಯಾಗಿದ್ದಾರೆ . ಈತ ಈ ಮೊದಲು ಕಾರು ಚಾಲಕನಾಗಿ ಪಡುಬಿದ್ರಿ ಪರಿಸರದಲ್ಲಿ ದುಡಿಯುತ್ತಿದ್ದು, ಹಲವು ಅಪರಾಧ ಚಟುವಟಿಕೆಗಳಲ್ಲಿ ಭಾಗಿಯಾಗಿರುವ ಆರೋಪ ಎದುರಿಸುತ್ತಿದ್ದ. ಹತ್ಯೆಗೀಡಾದ ಈತ ವಿವಾಹಿತನಾಗಿದ್ದು ಪೊಲೀಸರು ಬಾರ್ ನಲ್ಲಿ ಅಳವಡಿಸಿಕೊಂಡಿರುವ ಸಿಸಿ ಟಿವಿ ದಾಖಲೆ ಪರಿಶೀಲಿಸುತ್ತಿದ್ದಾರೆ . ಘಟನೆಗೆ ಪೂರ್ವ ದ್ವೇಷವೇ ಕೊಲೆಗೆ ಕಾರಣವಿರಬಹುದೆಂದು ಪೊಲೀಸರು ಶಂಕಿಸಿದ್ದಾರೆ. ಇನ್ನು ಘಟನಾ ಸ್ಥಳಕ್ಕಾಗಮಿಸಿದ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ.