ಹುಟ್ಟುಹಬ್ಬ ಆಚರಣೆಯಲ್ಲಿ ಅನಾರೋಗ್ಯ ಪೀಡಿತರಿಗೆ ಸಹಾಯಧನ ವಿತರಿಸಿದ ಎಸ್. ಗಣೇಶ್ ರಾವ್

•   Mon, Feb 26 2018 03:11:25 PM



• ಮಂಗಳೂರು, ಫೆ 26: ಕಷ್ಟದಲ್ಲಿರುವವರಿಗೆ ಸಹಾಯಹಸ್ತ ಚಾಚುವುದರ ಮೂಲಕ ಆತ್ಮತೃಪ್ತಿ ಹೊಂದಲು ಸಾಧ್ಯ ಎಂದು ಕರಾವಳಿ ಸಮೂಹ ಶಿಕ್ಷಣ ಸಂಸ್ಥೆಗಳ ಸ್ಥಾಪಕಾಧ್ಯಕ್ಷ ಎಸ್. ಗಣೇಶ್ ರಾವ್ ತಿಳಿಸಿದ್ದಾರೆ.

  

  

  

  

  

  ಕರಾವಳಿ ಕಾಲೇಜು ಮತ್ತು ಎಸ್ ಗಣೇಶ್ ರಾವ್ ಫ್ಯಾನ್ಸ್ ಕ್ಲಬ್ ಸಹಯೋಗದಲ್ಲಿ ಕೊಟ್ಟಾರ ಚೌಕಿಯಲ್ಲಿರುವ ಕಾಲೇಜ್ ಆವರಣದಲ್ಲಿ ರವಿವಾರ ನಡೆದ ಎಸ್ ಗಣೇಶ್ ರಾವ್ ಅವರ ಹುಟ್ಟು ಹಬ್ಬ ಆಚರಣೆ ವೇಳೆ ಮಾತನಾಡಿದ ಅವರು, ಮನುಷ್ಯ ತನ್ನ ವರ್ತನೆ ಮತ್ತು ಚಿಂತನೆಯಲ್ಲಿ ಬದಲಾವಣೆ ಮಾಡಿಕೊಂಡರೆ ಹೊಸತನ ಸಾಧಿಸಲು ಸಾಧ್ಯ. ಮನುಷ್ಯನಿಗೆ ಆತ್ಮತೃಪ್ತಿ ಅಗತ್ಯ ಎಂದು ಹೇಳಿದರು.

  ಕಷ್ಟದಲ್ಲಿರುವ ಜನರ ಮತ್ತು ಬಡವರ ಕಣ್ಣೀರು ಒರೆಸುವ ಮೂಲಕ ನಿರಂತರ ಮಾನವರಾಗಿ ಬದುಕಬೇಕು. ಎಲ್ಲರೂ ಒಗ್ಗಟ್ಟಿನಿಂದ ಭಾರತೀಯರು ಎಂಬ ಭಾವನೆಯೊಂದಿಗೆ ಬದುಕಬೇಕು ಎಂದು ಹೇಳಿದರು.

  ಅನಾರೋಗ್ಯದಲ್ಲಿ ಬದುಕುತ್ತಿರುವ ಸುಮಾರು 20 ಮಂದಿಗೆ ಸಹಾಯಧನ ಹಸ್ತಾಂತರಿಸಿದ ಅವರು, ತಮ್ಮ ಜನುಮ ದಿನಕ್ಕೆ ಶುಭ ಕೋರಿದ ಎಲ್ಲಾ ಅತಿಥಿಗಳಿಗೆ ಗಿಡ ವಿತರಿಸಿದರು.