ಮಂಗಳೂರು, ಫೆ .26: ಮಂಗಳೂರು ನಗರ ಪಾಲಿಕೆ ವ್ಯಾಪ್ತಿಯ ಪಚ್ಚನಾಡಿಯ ರಸ್ತೆಯ ಕಾಂಕ್ರೀಟೀಕರಣ ಹಾಗೂ ಅಭಿವೃದ್ದಿ ಕಾಮಗಾರಿಗಾಗಿ ಫೆ 26 ರ ಮಂಗಳವಾರ ಮೇಯರ್ ಕವಿತಾ ಸನಿಲ್ ಹಾಗೂ ಶಾಸಕ ಮೊಹಿದ್ದೀನ್ ಬಾವ ಶಿಲಾನ್ಯಾಸ ನೆರವೇರಿಸಿದರು. ಇದೇ ವೇಳೆ ಮಾತನಾಡಿದ ಮೇಯರ್ ಕವಿತಾ ಸನಿಲ್, ಇಂದು 1.20 ಕೋಟಿ ರೂಪಾಯಿ ವೆಚ್ಚದಲ್ಲಿ ಪಚ್ಚನಾಡಿ ಸೇತುವೆ ಕಾಮಗಾರಿ ಹಾಗೂ 1 ಕೋಟಿ ವೆಚ್ಚದಲ್ಲಿ ಪಚ್ಚನಾಡಿಯಿಂದ ಮಂಗಳ ಜ್ಯೋತಿವರೆಗೆ ಕಾಂಕ್ರೀಟೀಕರಣ ,ಒಟ್ಟಾರೆಯಾಗಿ 2.20 ಕೋಟಿ ರೂಪಾಯಿಗಳ ನಿರ್ಮಾಣ ಯೋಜನೆಗೆ ಇಂದು ಅಡಿಪಾಯವನ್ನು ಹಾಕಲಾಗಿದೆ. ಪಂಚನಾಡಿ ರೈಲ್ವೆ ಸೇತುವೆ ಅಭಿವದ್ದಿ ಕಾಮಗಾರಿ ಪ್ರಗತಿಯಲ್ಲಿದೆ ಎಂದರು.
.JPG)
.JPG)
.JPG)
.JPG)
ಇನ್ನು ಶಾಸಕ ಮೊಹಿದ್ದೀನ್ ಬಾವ ಮಾತನಾಡಿ , 14 ನೇ ಹಣಕಾಸು ಯೋಜನೆಯಲ್ಲಿ 2.20 ಕೋಟಿ ರೂ ವೆಚ್ಚದಲ್ಲಿ ರಸ್ತೆ ಕಾಂಕ್ರೀಟಿಕರಣ ಹಾಗೂ ಪಚ್ಚನಾಡಿ ಸೇತುವೆ ನಿರ್ಮಾಣ ಮಾಡಲಾಗುತ್ತಿದೆ ಎಂದರು.
ಕಾರ್ಯಕ್ರಮದಲ್ಲಿ ಪಾಲಿಕೆ ಕಮಿಷನರ್ ಮೊಹಮ್ಮದ್ ನಝೀರ್, ಉಪ ಮೇಯರ್ ರಾಜನೀಶ್, ಕಾರ್ಪೊರೇಟರ್ ಸಬಿತಾ ಮಿಸ್ಕಿತ್, ಶಶಿಧರ್ ಹೆಗ್ಡೆ ಮತ್ತು ಇತರರು ಉಪಸ್ಥಿತರಿದ್ದರು.
ಚಾನಲ್ ಫಾಲೋ ಮಾಡಿ
