ಕಾಸರಗೋಡು: ಗಡಿಯಲ್ಲಿ ನಿರ್ಬಂಧ - ಚಿಕಿತ್ಸೆ ಲಭಿಸದೆ ಮೂರ್ಛೆ ರೋಗಿ ಮೃತ್ಯು

•   Fri, Mar 27 2020 05:01:28 PM



• ಕಾಸರಗೋಡು, ಮಾ.27 (Daijiworld News/MB) : ಮಂಗಳೂರು ಆಸ್ಪತ್ರೆಗೆ ಕೊಂಡೊಯ್ಯಲು ತಲಪಾಡಿ ಗಡಿಯಲ್ಲಿ ತಡೆದ ಹಿನ್ನಲೆಯಲ್ಲಿ , ಕಾಸರಗೋಡಿನ ಆಸ್ಪತ್ರೆಗೆ ಕರೆದೊಯ್ಯುತ್ತಿದ್ದಾಗ ವ್ಯಕ್ತಿ ಮೃತಪಟ್ಟ ಘಟನೆ ಶುಕ್ರವಾರ ನಡೆದಿದೆ.

  

  ಮೃತ ವ್ಯಕ್ತಿ ಮಂಜೇಶ್ವರ ತೂಮಿನಾಡಿನ ಅಬ್ದುಲ್ ಹಮೀದ್ (65).

  ಮೂರ್ಛೆ ರೋಗಿಯಾದ ಅವರು ಖಾಯಂ ಆಗಿ ಮಂಗಳೂರು ಆಸ್ಪತ್ರೆಯಲ್ಲಿ ಚಿಕಿತ್ಸೆ, ತಪಾಸಣೆ ನಡೆಸುತ್ತಿದ್ದರು. ಆದ ಕಾರಣದಿಂದಾಗಿ ಅವರನ್ನು ಚಿಕಿತ್ಸೆಗೆಂದು ಮಂಗಳೂರಿಗೆ ಕರೆದೊಯ್ಯಲಾಗುತ್ತಿತ್ತು. ಆದರೆ ಕೊರೊನಾ ಹಿನ್ನಲೆಯಲ್ಲಿ ಕೇರಳ ಕರ್ನಾಟಕ ಗಡಿ ಬಂದ್‌ ಮಾಡಲಾಗಿದ್ದು ತಲಪಾಡಿ ಗಡಿಯಲ್ಲಿ ತಡೆಯಲಾಗಿದೆ.

  ಈ ಕಾರಣದಿಂದಾಗಿ ಅವರನ್ನು ಕಾಸರಗೋಡಿನ ಆಸ್ಪತ್ರೆಗೆ ಕರೆದೊಯ್ಯುತ್ತಿದ್ದಾಗ ಅವರು ಮೃತಪಟ್ಟಿದ್ದಾರೆ.