ಇಂಟರ್ನೆಟ್ ತಾರೆ ಪ್ರಿಯಾ ಪ್ರಕಾಶ್ ವಾರಿಯರ್ ವಿರುದ್ದ ಎಫ್ ಐ ಆರ್

•   Wed, Feb 14 2018 12:26:35 PM



• ಹೈದರಾಬಾದ್, ಫೆ 14 : ಇಂಟರ್ನೆಟ್ ಲೋಕದಲ್ಲಿ ನಾಗಲೋಟದಿಂದ ಓಡುತ್ತಿರುವ ’ಅದು ಅಲರ್ ಲವ್ ’ ಟ್ರೈಲರ್ ನ ತುಣುಕಿನಲ್ಲಿ ಕಾಣಿಸಿಕೊಂಡಿರುವ ಉದಯೋನ್ಮುಖ ತಾರೆ ಪ್ರಿಯಾ ವಾರಿಯರ್ ವಿರುದ್ದ ಹೈದರಾಬಾದ್ ನ ಫಾಲಕ್ನುಮಾ ಪೊಲೀಸ್ ಠಾಣೆಯಲ್ಲಿ ಎಫ್ ಐ ಆರ್ ದಾಖಲಾಗಿದೆ ಎಂದು ಮಾಧ್ಯಮ ಮೂಲಗಳು ತಿಳಿಸಿದೆ. ಮಲಯಾಳಂ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ನಟಿಸಿರುವ ಇನ್ನಷ್ಟೇ ಬಿಡುಗಡೆ ಆಗಬೇಕಾಗಿರುವ ಚಿತ್ರ ’ಅದು ಅಲರ್ ಲವ್ ’ ಟ್ರೈಲರ್ ಇತ್ತೀಚೆಗೆ ತಾನೆ ಬಿಡುಗಡೆಯಾಗಿತ್ತು. ಅದರಲ್ಲಿರುವ ಒಂದು ಹಾಡಾದ ’ಮಾಣಿಕ್ಯ ಮಲರಾಯ ಪೂವಿ’ ಮುಸ್ಲಿಂರ ಭಾವನೆಗಳಿಗೆ ನೋವುಂಟು ಮಾಡಿದೆ ಎಂದು ಆರೋಪಿಸಿ , ಹಾಡಿದ ತಯಾರಕರು ಮತ್ತು ಅದರಲ್ಲಿ ನಟಿಸಿದ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ಮೇಲೂ ದೂರು ನೀಡಿದ್ದಾರೆ. 

  ಫಾಲಕ್ನುಮಾದ ಮುಸ್ಲಿಂ ಯುವಕರ ತಂಡ ಈ ದೂರು ನೀಡಿದ್ದಾರೆ. ’ಮಾಣಿಕ್ಯ ಮಲರಾಯ ಪೂವಿ’ ಆಂಗ್ಲ ಭಾಷೆಗೆ ಅನುವಾದಿಸಿದಾಗ , ಆದರಿಂದ ಪ್ರವಾದಿಗೆ ಅವಮಾನವಾಗುತ್ತದೆ ಎಂದು ಈ ಯುವಕರ ತಂಡ ದೂರಿನಲ್ಲಿ ತಿಳಿಸಿದ್ದಾರೆ.