ಪುತ್ತೂರು: ಹತ್ಯೆಗೆ ಸಂಚು ನಡೆಸಿದ ಇಬ್ಬರ ಬಂಧನ

•   Sun, Feb 23 2020 09:31:09 AM



• ಪುತ್ತೂರು, ಫೆ 23 (Daijiworld News/MB) : ಆಸ್ತಿ ಹಾಗೂ ವ್ಯವಹಾರದ ಮನಸ್ತಾಪದಿಂದಾಗಿ ಜಯರಾಮ ಎಂಬವರ ಹತ್ಯೆ ಮಾಡಲು ಸಂಚು ಮಾಡಿದ್ದ ಪ್ರಕರಣಕ್ಕೆ ಸಂಬಂಧಿಸಿ ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. 

  

  ಮಹೇಶ್‌ ಹಾಗೂ ನಾಸೀರ್‌ ಇಡಬೆಟ್ಟು ಬಂಧಿತ ಆರೋಪಿಗಳು.

  ಜಯರಾಮ ಹಾಗೂ ಮಹೇಶ್‌ ಅಲಿಯಾಸ್‌ ಮಾಯಿಲಪ್ಪ ಅವರು ಸಹೋದರರಾಗಿದ್ದು ಪಾಲುದಾರಿಕೆಯಲ್ಲಿ ಹೋಮ್‌ ಪ್ರೋಡಕ್ಟ್‌ ವ್ಯವಹಾರ ನಡೆಸುತ್ತಿದ್ದರು. ಇದರಲ್ಲಿ ಅವರೊಳಗೆ ಉಂಟಾಗಿದ್ದ ವೈಮನಸ್ಸು ಹಾಗೂ ಕುಟುಂಬದ ಆಸ್ತಿ ವಿಚಾರವಾಗಿ ಉಂಟಾದ ಮನಸ್ತಾಪದಿಂದಾಗಿ ಮಹೇಶ್‌ ನಾಸೀರ್‌ ಅಲಿಯಾಸ್‌ ಮುನ್ನಿ ಎಂಬವನೊಂದಿಗೆ ಸೇರಿ ಜಯರಾಮ ಅವರನ್ನು ಹತ್ಯೆ ಮಾಡಲು ಸಂಚು ಹೂಡಿದ್ದಾನೆ. ಹಾಗೆಯೇ ವೀರಮಂಗಳದ ನಿವಾಸಿ ಮೊಹಮ್ಮದ್‌ ಹಾರಿಸ್‌ ಮೂಲಕ ಹತ್ಯೆ ಮಾಡಲು ಪ್ರೇರೇಪಣೆ ನೀಡಿದ್ದಾನೆ ಎಂದು ಜಯರಾಮ ಅವರು ದೂರು ನೀಡಿದ್ದರು.

  ಈ ದೂರಿನ ಅನ್ವಯ ಈ ಪ್ರಕರಣದ ತನಿಖೆ ನಡೆಸಿದ ಪೊಲೀಸರು ಹಣದ ವ್ಯವಹಾರದ ದಾಖಲೆಗಳನ್ನು ಪಡೆದು ಇಬ್ಬರು ಆರೋಪಿಗಳನ್ನು ಬಂಧನ ಮಾಡಿ, ಅವರನ್ನು ನ್ಯಾಯಾಲಯಕ್ಕೆ ಹಾಜರು ಪಡಿಸಿದ್ದಾರೆ. ನ್ಯಾಯಾಲಯ ನ್ಯಾಯಾಂಗ ಬಂಧನ ವಿಧಿಸಿದೆ.

  ಈ ಕುರಿತಾಗಿ ಪುತ್ತೂರು ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.