ಸುಳ್ಯ : ನಾಪತ್ತೆಯಾದ ಬಾಲಕ ಪುತ್ತೂರು ಬಸ್‌ ನಿಲ್ದಾಣದಲ್ಲಿ ಪತ್ತೆ

•   Tue, Feb 11 2020 05:14:29 PM



• ಸುಳ್ಯ, ಫೆ.11 (DaijiworldNews/PY):  ಪೆರ್ವಾಜೆ ಗ್ರಾಮದ ಕುಂಡಡ್ಕದಿಂದ ಫೆ.11 ಮಂಗಳವಾರದಂದು ಬೆಳಿಗ್ಗೆ ನಾಪತ್ತೆಯಾಗಿದ್ದ ಬಾಲಕ ಪ್ರಜ್ವಲ್ (11) ಮಧ್ಯಾಹ್ನ ಪುತ್ತೂರು ಕೆ.ಎಸ್‌.ಆರ್‌‌.ಟಿ.ಸಿ ಬಸ್ ನಿಲ್ದಾಣದಲ್ಲಿ ಪತ್ತೆಯಾಗಿದ್ದಾರೆ.

   

  ಚೆನ್ನಾವರ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆಯ ಐದನೇ ತರಗತಿಯ ವಿದ್ಯಾರ್ಥಿ ಪ್ರಜ್ವಲ್ ರವರು ಬೆಳಿಗ್ಗೆ ಶೌಚಾಲಯಕ್ಕೆ ಹೋಗಿಬರುವುದಾಗಿ ತನ್ನ ತಾಯಿ ಬಳಿ ಹೇಳಿ ಹೋಗಿ ನಂತರ ನಿಗೂಢವಾಗಿ ನಾಪತ್ತೆಯಾಗಿದ್ದರು.

  ಮಗುವನ್ನು ಅಪಹರಣ ಮಾಡಲಾಗಿದೆ ಎಂಬ ವದ್ದಂತಿಯೂ ಹಬ್ಬಿದ್ದು, ನಂತರದ ಬೆಳವಣಿಗೆಯಲ್ಲಿ ಬಾಲಕನ ತಂದೆ ಕುಂಞ ಹಾಗೂ ಕುಟುಂಬಸ್ಥರು ಬೆಳ್ಳಾರೆ ಪೊಲೀಸ್ ಠಾಣೆಗೂ ಮಾಹಿತಿ ನೀಡಿ ಹುಡುಕಾಟ ನಡೆಸಿದ್ದಾರೆ.

  ಕೊನೆಗೆ ಬಾಲಕ ಪುತ್ತೂರು ಕಡೆಗೆ ಬಸ್‌‌ನಲ್ಲಿ ಬಂದಿರುವ ಬಗ್ಗೆ ಮಾಹಿತಿ ಸಿಕ್ಕಿದ್ದು, ಈ ಹಿನ್ನೆಲೆಯಲ್ಲಿ ಬಾಲಕರ ಕುಟುಂಬಸ್ಥರು ಬಸ್ ಸ್ಟಾಂಡ್‌‌ಗೆ ಬಂದು ಹುಡುಕಾಡಿದ್ದು ಆ ವೇಳೆ ಬಾಲಕ ಪುತ್ತೂರು ಬಸ್ ನಿಲ್ದಾಣದಲ್ಲಿ ಪತ್ತೆಯಾಗಿದ್ದಾರೆ.