ಕುಂದಾಪುರ: ಬೈಕ್ ಸವಾರನ ಕಿಸೆಯಿಂದ ಹಾರಿದ ನೋಟುಗಳು..!

•   Tue, Feb 06 2018 10:51:12 AM



• ಕುಂದಾಪುರ, ಫೆ 06 : ದಾರಿಯಲ್ಲಿ ಹೋಗುತ್ತಿರುವಾಗ ಗಾಳಿಯಲ್ಲಿ ಹಾರಿ ಬಂದು ನೋಟುಗಳು ನಿಮ್ಮ ಕೈ ಸೇರಿದ್ರೆ ಹೇಗಾಗುತ್ತೆ ಹೇಳಿ.. ಇದು ಯಾವುದೋ ಕಟ್ಟುಕಥೆ ಅಂದ್ಕೋಬೇಡಿ .ಈ ಘಟನೆ ನಡೆದದ್ದು ಕುಂದಾಪುರದ ವಡೇರ ಹೋಬಳಿಯಲ್ಲಿ . ದ್ವಿಚಕ್ರ ವಾಹನದಲ್ಲಿ ವೇಗವಾಗಿ ಸಾಗುತ್ತಿದ್ದ ಸಂದರ್ಭದಲ್ಲಿ ಆ ಸವಾರನಿಗೆ ತನ್ನ ಕಿಸೆಯಿಂದ ಒಂದೊಂದೊ ನೋಟುಗಳು ಜಾರಿ ಬೀಳುತ್ತಿದ್ದದ್ದು ತಿಳಿಯಲೇ ಇಲ್ಲ. ಫೆ. 5 ರ ಸೋಮವಾರ ಇಲ್ಲಿನ ವಡೇರ ಹೋಬಳಿ ರಾಷ್ಟೀಯ ಹೆದ್ದಾರಿಯಲ್ಲಿ ಬೈಕ್ ಸವಾರನೊಬ್ಬನ ಕಿಸೆಯಿಂದ 2 ಸಾವಿರ ರೂಪಾಯಿ ಮುಖಬೆಲೆಯ ಸುಮಾರು 8 ನೋಟುಗಳು ಗಾಳಿಗೆ ಹಾರಿಬಿದ್ದಿದೆ. ಅದನ್ನು ನೋಡಿದ ಕೆಲವರು ಬೊಬ್ಬೆ ಹೊಡೆದಿದ್ದಾರೆ. ಬೈಕ್ ಸವಾರನಿಗೆ ಬೊಬ್ಬೆ ಕೇಳಿಸದೇ ಸೀದಾ ತೆರಳಿದ್ದಾರೆ. ಬಿದ್ದ ನೋಟು ಸಂಗ್ರಹಿಸಿದ ಸ್ಥಳೀಯರೊಬ್ಬರು ಆತನಿಗಾಗಿ 10 ನಿಮಿಷ ಕಾದರೂ ಆತ ಮರಳಿ ಬರಲಿಲ್ಲ.