ಮಂಗಳೂರು: ಮೊಬೈಲ್ ಕ್ಯಾಂಟೀನ್ ನಲ್ಲಿ ಬದುಕು ಕಟ್ಟಿಕೊಂಡ ಶಿಲ್ಪಾಳಿಗೆ ಮಹೇಂದ್ರ ಕಂಪನಿಯಿಂದ ಉಡುಗೊರೆ

•   Mon, Feb 05 2018 06:04:50 PM



• ಮಂಗಳೂರು, ಫೆ 05: ತಮ್ಮ ಕುಟುಂಬದ ನಿರ್ವಹಣೆಗಾಗಿ ಮಂಗಳೂರಿನ ಮಣ್ಣಗುಡ್ಡೆಯಲ್ಲಿ ಮಹೀಂದ್ರಾ ಕಂಪನಿಯ ಪಿಕ್ ಆಪ್ ವಾಹನದಲ್ಲಿ ಮೊಬೈಲ್ ಕ್ಯಾಂಟೀನ್ ನನ್ನು ಪ್ರಾರಂಭಿಸಿ ಬದುಕು ಕಟ್ಟಿಕೊಂಡಿದ್ದ ಶಿಲ್ಪಾ ಅವರನ್ನು ಫೆ.05 ರಂದು ಮಹಿಂದ್ರಾ ಕಂಪನಿ ಗುರುತಿಸಿ ಗೌರವಿಸಿದೆ. ಮೊಬೈಲ್ ಕ್ಯಾಂಟೀನ್ ಯಶಸ್ಸು ಹಾಗೂ ಶಿಲ್ಪಾರಲ್ಲಿ ತನ್ನ ವ್ಯಾಪಾರವನ್ನು ಅಭಿವೃದ್ದಿಪಡಿಸುವ ಬಗ್ಗೆ ಇರುವ ಉತ್ಕಟ ಬಯಕೆಯನ್ನು ಸಾಮಾಜಿಕ ಜಾಲತಾಣಗಳಿಂದ ತಿಳಿದು ಮನಮಿಡಿದ ಮಹೀಂದ್ರಾ ಕಂಪನಿಯ ಮುಖ್ಯಸ್ಥರಾದ ಆನಂದ್ ಮಹೇಂದ್ರ ಅವರು ಅವರ ವ್ಯಾಪಾರ ಅಭಿವೃದ್ದಿಪಡಿಸಲು ಸುಮಾರು 6.25 ಲಕ್ಷ ಮೌಲ್ಯದ ಹೊಸ ಮಹೀಂದ್ರಾ ಪಿಕ್ ಅಪ್ ವಾಹನವನ್ನು ಉಡುಗೊರೆಯಾಗಿ ಘೋಷಿಸಿದ್ದರು. ಬಳಿಕ ಮಹೀಂದ್ರಾ ಅಧಿಕೃತ ಮಾರಾಟಗಾರರಾದ ಕರ್ನಾಟಕ ಏಜೆನ್ಸಿಸ್ ಕೊಟ್ಟಾರ ಚೌಕಿ ಮುಖಾಂತರ ಹಸ್ತಾಂತರ ಮಾಡಿದ್ದರು . ಇಂದು ಅಧಿಕೃತವಾಗಿ ಕಂಪನಿಯ ಪರವಾಗಿ ಕರ್ನಾಟಕ ಏಜೆನ್ಸಿಯ ಸಿಇಒ ಆರ್‍.ಸಿ ರೋಡ್ರಿಗಸ್ ಶಿಲ್ಪಾ ಅವರು ಅಧಿಕೃತವಾಗಿ ಮಹೇಂದ್ರ ಪಿಕ್ ಆಪ್ ನ್ನು ಶಿಲ್ಪಾ ಅವರಿಗೆ ಹಸ್ತಾಂತರಿಸಿತು. ಬಳಿಕ ಮಾತನಾಡಿದ ಹಳ್ಳಿ ಮನೆ ರೊಟ್ಟಿಸ್ ನ ಶಿಲ್ಪಾ ವಾಹನವನ್ನು ಉಡುಗೊರೆಯಾಗಿ ನೀಡಿದ ಕಂಪನಿಯ ಮುಖ್ಯಸ್ಥರಾದ ಆನಂದ್ ಮಹೇಂದ್ರ, ಅವರಿಗೂ ಹಾಗೂ ಮಹೇಂದ್ರ ಕಂಪನಿಗೂ ಚಿರಋಣಿ ಎಂದು ತಮ್ಮ ಅಬಾರಿ ತಿಳಿಸಿದರು. ಈ ವಾಹನದಿಂದ ತನ್ನ ವ್ಯಾಪಾರವನ್ನು ಅಭಿವೃದ್ದಿಸಲು ಸಹಕಾರಿಯಾಗುತ್ತದೆ ಎಂದರು.