ಡಿಕೆಶಿ ಹೇಳಿಕೆಗೆ ಅಂಬರೀಷ್ ಗರಂ

•   Mon, Feb 05 2018 04:21:12 PM



• ಬೆಂಗಳೂರು ಫೆ.05 : ಡಿಕೆಶಿ ವಿರುದ್ದ ರೆಬಲ್ ಸ್ಟಾರ್ ಗರಂ ಆಗಿದ್ದಾರೆ. ಅಂಬರೀಷ್ ಅವರ ಆರೋಗ್ಯ ಸರಿಯಿಲ್ಲ ಎಂಬ ಇಂಧನ ಸಚಿವ ಡಿ.ಕೆ.ಶಿವಕುಮಾರ್‌ ,ಹೇಳಿಕೆಯಿಂದ ಸಿಟ್ಟಿಗೆದ್ದಿರುವ ಹಿರಿಯ ನಟ, ಕಾಂಗ್ರೆಸ್ ಶಾಸಕ ಅಂಬರೀಷ್ ಅವರು ಡಿಕೆಶಿ ಅವರಿಗೆ ನನ್ನ ಆರೋಗ್ಯದ ಬಗ್ಗೆ ಚಿಂತೆ ಬೇಡ . ಅವರಿಗೆ ಬೇರೆ ತೆರನಾದ ಸಮಸ್ಯೆಗಳೇ ಇವೆ ಅದರ ಬಗ್ಗೆ ಯೋಚಿಸೋದು ಒಳಿತು ಎಂದು ತಿರುಗೇಟು ನೀಡಿದ್ದಾರೆ. ಫೆ. 05 ಸೋಮವಾರ ವಿಧಾನ ಸೌಧ ಬಳಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅಂಬರೀಶ್‌ 'ನನ್ನ ಆರೋಗ್ಯದ ಬಗ್ಗೆ ದೇಶಕ್ಕೆ ಮಾತ್ರ ಅಲ್ಲ ಪ್ರಪಂಚಕ್ಕೂ ಗೊತ್ತು, ಏರ್‌ ಅಂಬುಲೆನ್ಸ್‌ನಲ್ಲಿ ಸಿಂಗಪುರಕ್ಕೆ ಹೋಗಿ ಚಿಕಿತ್ಸೆ ಪಡೆದು ಆರೋಗ್ಯವಂತನಾಗಿಯೇ ಬಂದಿದ್ದೇನೆ. ನಾನು ಸರಿಯಾಗಿಯೇ ಇದ್ದೇನೆ ನನ್ನ ಬಗ್ಗೆ ಚಿಂತಿಸುವುದು ಬಿಟ್ಟು ಅವರ ಸಮಸ್ಯೆಗಳನ್ನು ಮೊದಲು ಸರಿಪಡಿಸಿಕೊಳ್ಳಲಿ' ಎಂದು ಟೀಕಿಸಿದರು.