ಮೊಬೈಲ್ ಚಾರ್ಜರ್‌‌  ಬಾಯಲ್ಲಿ ಕಡಿದ ಪರಿಣಾಮ ವಿದ್ಯುತ್ ಶಾಕ್‍  ಹೊಡೆದು ನಾಲ್ಕು ವರ್ಷದ ಮಗು ಸಾವು

•   Fri, Feb 02 2018 01:09:51 PM



• ಮೂಡಿಗೆರೆ, ಫೆ 2: ಮೊಬೈಲ್ ಚಾರ್ಜ್‌‌ ಹಾಕಿದ್ದ  ಚಾರ್ಜರ್‌‌ ವೈರ್‌ನ್ನು ಬಾಯಲ್ಲಿ ಕಡಿದ ಪರಿಣಾಮ ವಿದ್ಯುತ್ ಶಾಕ್‍ನಿಂದ ನಾಲ್ಕು ವರ್ಷದ ಮಗು ಸಾವನ್ನಪ್ಪಿರುವ ಹೃದಯ ವಿದ್ರಾವಕ ಘಟನೆ ಮೂಡಿಗೆರೆ ತಾಲೂಕಿನಲ್ಲಿ ನಡೆದಿದೆ.

  

  ವಗರ್‌ ರಸ್ತೆಯ ನಿವಾಸಿಗಳಾದ ಲೀಲಾ ಇಂದ್ರೇಶ್‌ ದಂಪತಿಯ ಮಗ ಅಭಿಜ್ಞಾನ್‌ (4)ಮೃತ ಪಟ್ಟ ಬಾಲಕ. ಮೂಡಿಗೆರೆ ತಾಲೂಕಿನ ಆಲ್ದೂರಿನಲ್ಲಿ ಈ ಘಟನೆ ನಡೆದಿದ್ದು, ನಿನ್ನೆ ಬೆಳಗ್ಗೆ 11 ಗಂಟೆ ಸುಮಾರಿಗೆ ಮಗು ಚಾರ್ಜರ್ ವೈರ್ ಕಡಿದಿದೆ. ಪರಿಣಾಮ ವಿದ್ಯುತ್ ಶಾಕ್‍ನಿಂದ ಮಗು ಕೆಳಗೆ ಬಿದ್ದಿದ್ದು, ಮನೆಯವ್ರು ಕೂಡಲೇ ಮಗುವನ್ನು ಚಿಕ್ಕಮಗಳೂರಿನ ಜಿಲ್ಲಾಸ್ಪತ್ರೆಗೆ ಸಾಗಿಸಿದ್ರೂ ಮಗುವಿನ ಪ್ರಾಣ ಉಳಿಸಲು ಸಾಧ್ಯವಾಗಿಲ್ಲ. 

  ಈ ಘಟನೆ ನಡೆದಾಗ ಮನೆಯಲ್ಲಿ ತಾಯಿ ಮಗ ಇಬ್ಬರೇ ಇದ್ದರು. ಆಸ್ಪತ್ರೆಯಲ್ಲಿ ಬೆಳಗ್ಗೆಯಿಂದಲೂ ಮಗುವಿಗೆ ಚಿಕಿತ್ಸೆ ನೀಡಿದ್ರೂ ಸಂಜೆ ವೇಳೆಗೆ ಚಿಕಿತ್ಸೆ ಫಲಕಾರಿಯಾಗದೆ ಮಗು ಸಾವನ್ನಪ್ಪಿದೆ.

  ಆಲ್ದೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ.