ಮಂಗಳೂರಿನಲ್ಲಿ ಕುಖ್ಯಾತ ರೌಡಿ ಮಹಮ್ಮದ್ ಯಾನೆ ನಪ್ಪಾಟೆ ರಫೀಕ್ ಬಂಧನ

•   Fri, Feb 02 2018 12:20:59 PM



• ಮಂಗಳೂರು, ಫೆ 2: ಮಂಗಳೂರು ನಗರದ ರೌಡಿ ನಿಗ್ರಹ ದಳದ ಕರ್ಯಾಚರಣೆಯಲ್ಲಿ ನಟೋರಿಯಸ್ ರೌಡಿ ಮಹಮ್ಮದ್ ಯಾನೆ ನಪ್ಪಾಟೆ ರಫೀಕ್ ನನ್ನು ಬಂಧಿಸಿದ್ದಾರೆ.

  

  ಕಾಸರಗೋಡು ಜಿಲ್ಲೆಯ ಉಪ್ಪಳದ ಕಯ್ಯಾರ್ ನಿವಾಸಿ ನಪ್ಪಾಟೆ ರಫೀಕ್ (29) ಬಂಧಿತ. ಈತನ ವಿರುದ್ಧ ಕೇರಳ, ಕರ್ನಾಟಕ ಸೇರಿದಂತೆ ಬೇರೆ ಬೇರೆ ಕಡೆ 13 ಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿದೆ. ಕೊಲೆ, ಕೊಲೆಯತ್ನ ಹೀಗೆ ಅನೇಕ ಪ್ರಕರಣಗಳನ್ನು ಎದುರಿಸುತ್ತಿದ್ದ ರೌಡಿ ಮಹಮ್ಮದ್ ಯಾನೆ ನಪ್ಪಾಟೆ ರಫೀಕ್ ಕಳೆದ ಕೆಲ ದಿನಗಳ ಹಿಂದೆ ಸೋಮೇಶ್ವರ ಸಮೀಪ ಮನೆಯೊಂದಕ್ಕೆ ನುಗ್ಗಿ, ಮಹಿಳೆಗೆ ಜೀವ ಬೆದರಿಕೆ ಹಾಕಿದ್ದನು.

  ಇದೀಗ ಈ ಆರೋಪಿಯನ್ನು ಕೆ.ಸಿ.ರೋಡ್‌ನಲ್ಲಿ ಬಂಧಿಸಲಾಗಿದೆ ಎಂದು ಮಂಗಳೂರು ದಕ್ಷಿಣ ಉಪ ವಿಭಾಗದ ರೌಡಿ ನಿಗ್ರಹ ದಳದ ಸಹಾಯಕ ಪೊಲೀಸ್ ಆಯುಕ್ತರಿಗೆ ಮಾಹಿತಿ ಲಭ್ಯವಾಗಿದೆ. ಮಂಗಳೂರು ರೌಡಿ ನಿಗ್ರಹ ದಳ ಕಾರ್ಯಾಚರಣೆ ನಡೆಸಿ, ಉಳ್ಳಾಲದ ಕೆ.ಸಿ ರೋಡಿನಲ್ಲಿ ರೌಡಿ ಮಹಮ್ಮದ್ ಯಾನೆ ನಪ್ಪಾಟೆ ರಫೀಕ್ ನನ್ನು ಬಂಧಿಸಲಾಗಿದೆ.