ಬ್ರಹ್ಮಾವರ: ಯಕ್ಷಗಾನ ವೇಷಧಾರಿಯ ಮೇಲೆ ಆವೇಶವಾದ ಧೂಮವತಿ ದೈವ- ವಿಡಿಯೋ ವೈರಲ್‌

•   Sat, Jan 11 2020 03:25:35 PM



• ಬ್ರಹ್ಮಾವರ, ಜ 11 (Daijiworld News/MB) : ಯಕ್ಷಗಾನ ಕಾರ್ಯಕ್ರಮದಲ್ಲಿ ಧೂಮವತಿ ವೇಷಾಧಾರಿಯ ಮೇಲೆ ದೈವದ ಆವೇಶ ಉಂಟಾದ ಘಟನೆ ಇಲ್ಲಿನ ಗಾಂಧಿ ಮೈದಾನದಲ್ಲಿ ನಡೆದ ಯಕ್ಷಗಾನ ಕಾರ್ಯಕ್ರಮದಲ್ಲಿ ನಡೆದಿದೆ. ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದೆ.

  

  

  ಇಲ್ಲಿನ ಗಾಂಧಿ ಮೈದಾನದ ಸಾರ್ವಜನಿಕ ಶ್ರೀ ಅಯ್ಯಪ್ಪ ಸೇವಾ ಸಮಿತಿಯ 40ನೇ ವರ್ಷದ ಧಾರ್ಮಿಕ ಉತ್ಸವ ಪ್ರಯುಕ್ತ ಗುರುವಾರ ರಾತ್ರಿ ಯಕ್ಷಗಾನ ಕಾರ್ಯಕ್ರಮ ನಡೆದಿದ್ದು ಹಟ್ಟಿಯಂಗಡಿ ಮೇಳದಿಂದ "ದೈವದೃಷ್ಟಿ" ಪ್ರಸಂಗ ನಡೆಸಲಾಗಿತ್ತು.

  ಈ ಪ್ರಸಂಗ ನಡೆಯುತ್ತಿದ್ದ ಸಂದರ್ಭದಲ್ಲಿ ಧೂಮವತಿ ವೇಷಾಧಾರಿಯು ಆವೇಶಗೊಂಡಿದ್ದು ಕುಸಿದ್ದು ಬಿದಿದ್ದಾರೆ. ಈ ಸಂದರ್ಭದಲ್ಲಿ ಅವರನ್ನು ಎದ್ದು ನಿಲ್ಲಿಸಿದ್ದು ಆ ಸಂದರ್ಭದಲ್ಲೂ ಆವೇಶದಲ್ಲಿ ಇದ್ದರು. ಗುರುಸ್ವಾಮಿಗಳ ಸ್ಪರ್ಶ ಮಾಡಿದ್ದು ಹಾಗೆಯೇ ಮಾಲಾಧಾರಿಗಳು ಪ್ರಾರ್ಥನೆ ಮಾಡಿದ ಬಳಿಕ ವೇಷಧಾರಿ ಸಹಜ ಸ್ಥಿತಿಗೆ ಮರಳಿದ್ದಾರೆ ಎಂದು ಹೇಳಲಾಗಿದೆ.