ಮಂಗಳೂರು: ಹಿಟ್‌ ಆಂಡ್‌ ರನ್‌ - ದಂಪತಿಗಳಿಗೆ ಗಂಭೀರ ಗಾಯ

•   Sat, Jan 11 2020 09:41:23 AM



• ಮಂಗಳೂರು, ಜ 11 (Daijiworld News/MB) : ಕಾರು ಬೈಕ್‌ಗೆ ಡಿಕ್ಕಿ ಹೊಡೆದ ಪರಿಣಾಮ ದಂಪತಿಗಳಿಗೆ ಗಂಭೀರ ಗಾಯವಾಗಿದ್ದು ಕಾರು ಚಾಲಕನು ಪರಾರಿಯಾಗಿದ್ದ ಘಟನೆ ನಗರದ ಮಂಗಳಾದೇವಿಯ ಬಳಿ ಶುಕ್ರವಾರ ನಡೆದಿದೆ.

  

  

  

  ಕಾರು ವೇಗವಾಗಿ ಚಲಿಸುತ್ತಿದ್ದು ಬೈಕ್‌ಗೆ ಬಂದು ಡಿಕ್ಕಿ ಹೊಡೆದಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

  ಗಂಭೀರವಾಗಿ ಗಾಯಗೊಂಡ ದಂಪತಿಗಳನ್ನು ನಗರದ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ದಂಪತಿಗಳು ತೊಕ್ಕೊಟ್ಟು ನಿವಾಸಿಗಳಾಗಿದ್ದು ನಗರಕ್ಕೆ ಬಂದಿದ್ದರು ಎಂದು ತಿಳಿದು ಬಂದಿದೆ.

  ಈ ಮೊದಲು ಕಾರು ಚಾಲಕನು ಅತೀ ವೇಗವಾಗಿ ಕಾರು ಚಲಾಯಿಸುತ್ತಿದ್ದು ಆತನಲ್ಲಿ ಕಾರನ್ನು ವೇಗವಾಗಿ ಚಲಾಯಿಸಂತೆ ಹಲವು ಭಾರಿ ತಿಳಿಸಲಾಗಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.

  ಸ್ಥಳಕ್ಕೆ ಟ್ರಾಫಿಕ್‌ ಪೊಲೀಸರು ಬಂದಿದ್ದು, ಈ ಘಟನೆಗೆ ಸಂಬಂಧಿಸಿ ಪಾಂಡೇಶ್ವರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.