ಮಲ್ಪೆ ಕಡಲ ಕಿನಾರೆಯಲ್ಲಿ ಮನ ಸೆಳೆಯುತ್ತಿದೆ "ಸೀ ವಾಕ್ ವೇ ಪೋಯಿಂಟ್"

•   Fri, Jan 26 2018 11:58:41 AM



• ಉಡುಪಿ, ಜ 26: ಉಡುಪಿಯಿಂದ ಸುಮಾರು 6 ಕಿಲೋ ಮೀಟರ್ ದೂರದಲ್ಲಿರುವ ಮಲ್ಪೆ ಕಡಲ ಕಿನಾರೆಯಲ್ಲಿ ನಿರ್ಮಾಣಗೊಂಡಿರುವ ಸೀ ವಾಕ್ ವೇ ಪೋಯಿಂಟ್ ನ ಉದ್ಘಾಟನೆ ಇಂದು ನಡೆಯಲಿದೆ. 

  

  

  

  

  ಸಚಿವ ಪ್ರಮೋದ್‌ ಮಧ್ವರಾಜ್‌ ಅವರು ಸೀ ವಾಕ್ ವೇ ಪೋಯಿಂಟ್ ನ ಉದ್ಘಾಟನೆಯನ್ನು ನಡೆಸಲಿದ್ದಾರೆ. ಇದು ಕರ್ನಾಟಕದಲ್ಲಿಯೇ ಮೊದಲ ಬಾರಿಗೆ ನಿರ್ಮಾಣಗೊಂಡಿರುವ ಸೀ ವಾಕ್ ವೇ ಪೋಯಿಂಟ್ ಆಗಿದ್ದು,  ಮಲ್ಪೆ ಬೀಚ್ ಸಮೀಪದ ಐಲ್ಯಾಂಡ್ ಜೆಟ್ಟಿ ಬಳಿ ಪ್ರವಾಸಿಗರಿಗೆ ತೆರೆದುಕೊಂಡಿದೆ.

  ಮಲ್ಪೆ ಬೀಚ್ ಅಭಿವೃದ್ಧಿ ಸಮಿತಿ ಮತ್ತು ಸಚಿವ ಪ್ರಮೋದ್ ಮಧ್ವರಾಜ್ ಅವರ ವಿಶೇಷ ಮುತುವರ್ಜಿಯಲ್ಲಿ ಸೀ ವಾಕ್ ವೇ ಪೋಯಿಂಟ್ ಸಿದ್ಧಗೊಂಡಿದ್ದು, ನೋಡುಗರನ್ನು ಮಂತ್ರಮುಗ್ಧರನ್ನಾಗಿಸಲಿದೆ.

  ಮಲ್ಪೆ ಕಡಲ ಕಿನಾರೆಯಲ್ಲಿ ಸೀ ವಾಕ್ ವೇ ಪೋಯಿಂಟ್ ಸುಮಾರು 53.5 ಲಕ್ಷ ವೆಚ್ಚದಲ್ಲಿ ನಿರ್ಮಾಣಗೊಂಡಿದ್ದು, ಇಂದು ಸಚಿವರಿಂದ ಉದ್ಘಾಟನೆಗೊಳ್ಳಲಿದೆ.