ಕಾಸರಗೋಡು: ನಿಲ್ಲಿಸಿದ್ದ ಬಸ್ ಏಕಾಏಕಿ ಚಲಿಸಿ ಪಲ್ಟಿ-ತಪ್ಪಿದ ಭಾರೀ ಅನಾಹುತ

•   Tue, Dec 31 2019 07:36:57 PM



• ಕಾಸರಗೋಡು, ಡಿ 31 (DaijiworldNews/SM): ನಿಲುಗಡೆಗೊಳಿಸಿದ್ದ ಟೂರಿಸ್ಟ್ ಬಸ್ಸೊಂದು ಏಕಾಏಕಿ ಚಲಿಸಿ ನಿಯಂತ್ರಣ ತಪ್ಪಿ ರಸ್ತೆ ಬದಿಯ ಹೊಂಡಕ್ಕೆ ಉರುಳಿ ಬಿದ್ದ ಘಟನೆ ಮಂಗಳವಾರದಂದು ಕಾಸರಗೋಡಿನಲ್ಲಿ ನಡೆದಿದೆ.

  

  ಘಟನೆ ನಡೆದ ಸಂದರ್ಭ ಬಸ್ಸಿನಲ್ಲಿ ಯಾರೂ ಇಲ್ಲದೇ ಇದ್ದುದರಿಂದ ಭಾರೀ ಅನಾಹುತವೊಂದು ತಪ್ಪಿದಂತಾಗಿದೆ. ಚಾಲಕ ಬಸ್ಸನ್ನು ರಸ್ತೆ ಬದಿಯಲ್ಲಿ ನಿಲುಗಡೆಗೊಳಿಸಿ ಸಮೀಪದ ಹೋಟೆಲ್ ಗೆ ಚಹಾ ಕುಡಿಯಲು ತೆರಳಿದ್ದ. ಈ ವೇಳೆ ಏಕಾಏಕಿ ಬಸ್ ಮುಂದಕ್ಕೆ ಚಲಿಸಿದೆ. ಹಾಗೂ ರಸ್ತೆ ಸಮೀಪದಲ್ಲಿದ್ದ ಹೊಂಡಕ್ಕೆ ಉರುಳಿ ಬಿದ್ದಿದೆ. ಘಟನೆಯಲ್ಲಿ ಬಸ್ಸಿಗೆ ಒಂದಿಷ್ಟು ಹಾನಿಯಾಗಿದೆ. ಉಳಿದಂತೆ ಯಾವುದೇ ಸಾವುನೋವು ಸಂಭವಿಸಿಲ್ಲ.