ಮಂಗಳೂರು ಜ 24: ಅಂತರ್ ರಾಜ್ಯ ಗಾಂಜಾ ಮಾರಾಟಗಾರ, ಗಾಂಜಾ ಕಿಂಗ್ ಪಿನ್ ಶೇಖ್ ಸಲೀಂ ಬಾಷಾನ್ನು ಮಂಗಳೂರು ಪೊಲೀಸರು ಬಂಧಿಸಿದ್ದಾರೆ. ಮಂಗಳೂರು ದಕ್ಷಿಣ ಎಸಿಪಿ ರಾಮರಾವ್ ನೇತೃತ್ವದಲ್ಲಿ ಕೊಣಾಜೆ ಪೊಲೀಸರು ಹಾಗೂ ರೌಡಿ ನಿಗ್ರಹದಳ ಗಾಂಜಾ ಡಿಲರ್ ಸಲೀಂ ನನ್ನು ಆಂದ್ರಪ್ರದೇಶದ ಚಿತ್ತೂರು ಜಿಲ್ಲೆಯ ಪಲಮೇರು ಎಂಬಲ್ಲಿ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಈತ ಮಂಗಳೂರಿಗೆ ಗಾಂಜಾ ಪೂರೈಕೆ ಜಾಲದ ಕಿಂಗ್ ಪಿನ್ ಆಗಿದ್ದ. ಇತ್ತೀಚೆಗೆ ತಲಪಾಡಿಯ ತೌಡುಗೋಳಿಯಲ್ಲಿ ಗಾಂಜಾ ಮಾರಾಟಗಾರ ಮಹಮ್ಮದ್ ಅಝೀಝ್ ನನ್ನು ಬಂಧಿಸಿ 10 ಕೆ ಜಿ 200 ಗ್ರಾಂ ಗಾಂಜಾವನ್ನು ವಶಪಡಿಸಿಕೊಳ್ಳಲಾಗಿತ್ತು. ವಿಚಾರಣೆ ವೇಳೆ ಅಜೀಝ್ ನೀಡಿದ ಮಾಹಿತಿಯಂತೆ ಪೊಲೀಸರು ಆಂಧ್ರಕ್ಕೆ ತೆರಳಿ ಗಾಂಜಾ ಡೀಲರ್ ಸಲೀಂ ನನ್ನು ಬಂಧಿಸಿದ್ದಾರೆ. ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿ ವಿಚಾರಣೆ ನಡೆಸಲಾಯಿತು.
ಚಾನಲ್ ಫಾಲೋ ಮಾಡಿ
