ಕಾಸರಗೋಡು: ಪಯಸ್ವಿನಿ ಹೊಳೆ ಬದಿಯಲ್ಲಿ ಮರಿ ಆನೆಯ ಮೃತದೇಹ ಪತ್ತೆ

•   Mon, Dec 30 2019 08:14:29 PM



• ಕಾಸರಗೋಡು, ಡಿ 30 (DaijiworldNews/SM): ಇಲ್ಲಿನ ದೇಲಂಪಾಡಿ ಕಾಡಮನೆ ಪಯಸ್ವಿನಿ ಹೊಳೆಯ ಬದಿಯಲ್ಲಿ ಆನೆ ಮರಿಯೊಂದು ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

  

  ಅರಣ್ಯ ಇಲಾಖಾಧಿಕಾರಿಗಳು, ಸ್ಥಳೀಯರು ಆನೆ ಮರಿಯನ್ನು ದಡಕ್ಕೆ ತಲುಪಿಸಿ ಮರಣೋತ್ತರ ಪರೀಕ್ಷೆ ನಡೆಸಿದ್ದಾರೆ.
  ಸಾವಿಗೆ ಕಾರಣದ ಬಗ್ಗೆ ತಜ್ಞ ತಪಾಸಣೆಗಾಗಿ ಪ್ರಯೋಗಾಲಯಕ್ಕೆ ಕಳುಹಿಸಿ ಕೊಡಲಾಗಿದೆ. ವರದಿ ಬಂದ ಬಳಿಕ ಸಾವಿಗೆ ಕಾರಣ ತಿಳಿದು ಬರಲಿದೆ ಎಂದು ಅರಣ್ಯಾಧಿಕಾರಿಗಳು ತಿಳಿಸಿದ್ದಾರೆ.
  ಮೃತಪಟ್ಟಿರುವ ಆನೆ ಮರಿ ಸುಮಾರು ಮೂರು ವರ್ಷ ಪ್ರಾಯದ್ದು ಎಂದು ಅಂದಾಜಿಸಲಾಗಿದೆ. ಆನೆ ಮರಿ ಸಾವಿಗೆ ಕಾರಣ ತಿಳಿದು ಬಂದಿಲ್ಲ.