ಮಂಗಳೂರು: ರೌಡಿಶೀಟರ್ ಭರತೇಶ್ ಸಹೋದರನ ಬರ್ಬರ ಹತ್ಯೆ

•   Mon, Jan 22 2018 10:32:18 AM



• ಮಂಗಳೂರು, ಜ 22: ಮನೆಯ ಟೆರೇಸ್ ಮೇಲೆ ಮಲಗಿದ್ದ ವ್ಯಕ್ತಿಯನ್ನು ಮಾರಕಾಸ್ತ್ರಗಳಿಂದ ಬರ್ಬರವಾಗಿ ಹತ್ಯೆಗೈದ ಘಟನೆ ತಣ್ಣೀರುಬಾವಿ ಚರ್ಚ್ ಬಳಿ ಜನವರಿ 22 ರಂದು ಸೋಮವಾರ ನಡೆದಿದೆ. ಕೊಲೆಗೀಡಾದ ವ್ಯಕ್ತಿಯನ್ನು ಶಿವರಾಜ್ (45) ಎಂದು ಗುರುತಿಸಲಾಗಿದೆ. ಟೆರೇಸ್ ನಲ್ಲಿ ನಿದ್ರಿಸುತ್ತಿದ್ದ ಶಿವರಾಜ್ ಮೇಲೆ ಸೋಮವಾರ ಮುಂಜಾನೆ 5 ಗಂಟೆಯ ಸುಮಾರಿಗೆ ಬಂದಂತಹ ಮೂವರು ದುಷ್ಕ್ಟರ್ಮಿಗಳು ಮಾರಾಕಾಸ್ತ್ರಗಳಿಂದ ದಾಳಿ ನಡೆಸಿ ಪರಾರಿಯಾಗಿದ್ದಾರೆ. ಪರಿಣಾಮ ಶಿವರಾಜ್ ಗೆ ಗಂಭೀರ ಸ್ವರೂಪ ಗಾಯಗಳಾಗಿತ್ತು. ತಕ್ಷಣ ಆತನನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಅದಾಗಲೇ ಆತ ಮೃತಪಟ್ಟಿದ್ದ ಎಂದು ತಿಳಿದುಬಂದಿದೆ.
  ಇನ್ನು ಕೊಲೆಯಾದ ಶಿವರಾಜ್, ಮೆಂಡನ್ ಗ್ಯಾಂಗ್ ರೌಡಿ ಶೀಟರ್ ಭರತೇಶ್ ಎಂಬಾತನ ಸಹೋದರ ಎಂದು ತಿಳಿದುಬಂದಿದೆ. ಭರತೇಶ್, ಬಿಜೈ ರಾಜ ಕೊಲೆ ಪ್ರಕರಣದ ಅರೋಪಿ ಎಂದು ತಿಳಿದುಬಂದಿದೆ. ಪಣಂಬೂರು ಠಾಣಾ ಪೊಲೀಸರು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸುತ್ತಿದ್ದಾರೆ. ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.