ಮಂಗಳೂರು: ಪಾವಂಜೆಯಲ್ಲಿ ಅಪರಿಚಿತ ವಾಹನ ಡಿಕ್ಕಿ-ಪಾದಚಾರಿ ದಾರುಣ ಸಾವು

•   Fri, Dec 06 2019 10:28:30 PM



• ಮಂಗಳೂರು, ಡಿ 06 (DaijiworldNews/SM): ಪಾದಚಾರಿಗೆ ಅಪರಿಚಿತ ವಾಹನ ಡಿಕ್ಕಿ ಹೊಡೆದು ಪಾದಚಾರಿ ಮೃತಸ್ಥಿತಿಯಲ್ಲಿ ಪತ್ತೆಯಾದ ಘಟನೆ ಸುರತ್ಕಲ್ ಸಮೀಪದ ಪಾವಂಜೆ ದೇವಸ್ಥಾನದ ಬಳಿ ಡಿಸೆಂಬರ್ 6ರ ಶುಕ್ರವಾರ ರಾತ್ರಿ ವೇಳೆಯಲ್ಲಿ ನಡೆದಿದೆ.

  

  
  ಘಟನೆಯಲ್ಲಿ ಮೃತಪಟ್ಟ ವ್ಯಕ್ತಿಯ ಗುರುತುಪತ್ತೆಯಾಗಿಲ್ಲ. ಸುಮಾರು 9 ಗಂಟೆ ರಾತ್ರಿಯ ಸಮಯದಲ್ಲಿ ಘಟನೆ ಬೆಳಕಿಗೆ ಬಂದಿದೆ.

  ಹೆದ್ದಾರಿಯಲ್ಲಿ ಬೆಳಕಿನ ಕೊರತೆಯಿದ್ದುದೇ ಘಟನೆಗೆ ಕಾರಣವೆನ್ನಲಾಗಿದೆ. ಇದೇ ಕಾರಣಕ್ಕೆ ಪಾದಚಾರಿಗಳು ವಾಹನ ಸವಾರರ ಗಮನಕ್ಕೆ ಬರುವುದಿಲ್ಲ. ಪಾದಚಾರಿಗಳು ನಡೆದುಕೊಂಡು ಹೋಗುತ್ತಿರುವುದು ಗೋಚರಕ್ಕೆ ಬಾರದೆ ಇದ್ದುದರಿಂದ ಈ ಘಟನೆ ನಡೆದಿರಬಹುದು ಎನ್ನಲಾಗಿದೆ.

  ಇನ್ನು ಅಪಘಾತದಲ್ಲಿ ಮೃತ ಪಾದಚಾರಿಯ ದೇಹ ಸಂಪೂರ್ಣ ಛಿದ್ರಗೊಂಡಿದೆ. ಹಿಟ್ ಆಡ್ ರನ್ ಗೆ ಕಾರಣವಾದ ವಾಹನವನ್ನು ಪತ್ತೆಹಚ್ಚುವ ಕಾರ್ಯವನ್ನು ಪೊಲೀಸರು ಕೈಗೆತ್ತಿಕೊಂಡಿದ್ದಾರೆ.

  ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.